कान्तिपुर वेबसाईट
AdvertisementAdvertisement

पर्यटक लोभ्याउँदै चित्तल [फोटोफिचर]

मनोज पौडेल

कपिलवस्तु — बर्दिया राष्ट्रिय निकुञ्जमा अहिले चित्तलको रोमाञ्चक गतिविधि देखेर पर्यटक रमाउने गरेका छन् । निकुञ्ज पस्नासाथ प्राकृतिक वातावरणमा चित्तल देखिएर पर्यटकलाई आल्हादित वातावरण प्रदान गर्छन् । निकुञ्जमा चित्तलसहित जरायो, लगुना र रतुवाले पर्यटक भुलाउने गरेका छन् ।

बर्दियामा लोपोन्मुख पाटेबाघ वृद्धि हुन थालेपछि यहाँको पर्यटन व्यवसाय फस्टाउन थालेको निकुञ्जका सहायक वार्डेन मुकुन्द संजेलले बताए । निकुञ्जमा पर्यटकहरु दुर्लभ वन्यन्तु र चरा अवलोकन गर्न आउनेक्रम बढेसँगै बर्दियामा वन्यजन्तु पर्यटन फस्टाउन थालेको हो । सधैंभरि बाघ नदेखिए चित्तलसहित जरायो, लगुना र रतुवा हेरेरै आनन्दित हुने गरेका छन् । निकुञ्जअन्तर्गत चुरेको माथिल्लो भागतिर केही सल्लाका जंगल छन् भने तराईको धेरैजसो भाग सालका जंगलले ढाकेको र बीच बीचमा घाँसे मैदान रहेको छ ।

(बर्दियाबाट फर्केर)


प्रकाशित : असार ८, २०७९ १७:०१
प्रतिक्रिया
पठाउनुहोस्

चौधरी ग्रुपले ल्यायो क्रम्पटन ब्राण्डका एयर कुलर

कान्तिपुर संवाददाता

काठमाडौँ — चौधरी ग्रुपले गर्मी महिनालाई लक्षित गरी क्रम्पटन ब्राण्ड अन्तर्गत विभिन्न किसिमका आकर्षक एवम् गुणस्तरीय कुलर नेपाली बजारमा ल्याएको छ । जसमा डेजर्ट कुलर, विन्डो कुलरहरु रहेका छन् ।क्रम्पटन भारतको पुरानो ब्राण्डमध्ये एक हो । आफ्ना उत्पादनमा गुणस्तर, विश्वसनीयता, उत्कृष्ट इन्जिनियरिङ क्षमता तथा डिजाइन अब्बल रहेको कम्पनीको दावी छ । क्रम्पटनका उत्पादनहरु भिन्न हुनुका साथै उपभोक्तालाई ध्यानमा राखेर डिजाइन गरिएका हुन्छन् । 

हनिकम्ब प्याड, वाइड एंगल एयरफ्लो, ठूलो सजिलो सफा आइस च्याम्बर आफ्ना एयर कुलरका मुख्य विशेषता रहेको क्रम्पटनले जनाएको छ । लामो समयसम्म चल्ने पम्प भएकाले कडा पानीमा पनि काम गर्ने क्षमता एयरकुलरमा छ । सजिलो सफाइको लागि नाली प्लग अटो, स्विङ ठाडो लुभहरु, ४ तरिकाबाट हावा विक्षेपन, लामो समयसम्म चिसोपन राख्ने जस्ता विशेषता यसमा रहेको कम्पनीले जनाएको छ । साथै क्रम्पटनका एयर कुलहरुमा १२ महिनाको वारेन्टी छ । क्रम्पटन ब्राण्डका एयर कुलरहरु चौधरी ग्रुप अन्तर्गत सीजी इम्पेक्सले ल्याएको हो ।


प्रकाशित : असार ८, २०७९ १६:४९
पूरा पढ्नुहोस्
प्रतिक्रिया
पठाउनुहोस्
×