नमुना फेसनका ‘अद्वितीय प्रतिबिम्ब’ [तस्बिरहरु

ग्रेजुएसन विद्यार्थीको १६ औं संस्करणमा ‘अद्वितीय प्रतिबिम्ब’ शीर्षक राखेर होटल सोल्टीमा बुधबार साँझ आयोजित फेसन सोका ११ विभिन्न अवधारणामा विद्यार्थीले ८२ वटा मनमोहक डिजाइन तथा फेसनको र्‍याम्प सो गरेका थिए । संचारकर्मी रोजिन शाक्यले गरेको फेसन कोरियोग्राफीमा २३ युवती र ८ युवा मोडेल र्‍याम्पमा उत्रिएका थिए ।

कलेजकी संस्थापक प्रिन्सिपल ज्ञानीशोभा तुलाधरले विद्यार्थीलाई सैद्धान्तिकका साथै व्यवहारिक पढाइको आधारमा पोख्त बनाउन यसपटक ग्रेजुएसनमा विद्यार्थीले तयार गरेको डिजाइन र सिर्जनात्मक विविधतालाई प्रदर्शनीमा ल्याइएको जानकारी दिइन् । प्रकृति र जीवन तथा अस्तित्वगत जीवनचक्रसँग जोडिएका सारभूत विषयलाई यसपटकको प्रदर्शनीमा स्थान दिइएको तुलाधरले बताइन् । पूर्वान्चल विश्वविद्यालयसँग सम्बन्धन लिएको कलेजमा आठ सेमेस्टरमा पठाइने फेसन ग्रेजुएसनका सबै विद्यार्थी पढाइसकिंदा आफ्नो काममा व्यवहारिक र व्यावसायिकसमेत बन्ने गरेको अनुभव उनले सुनाइन् ।