नेपालमा शैक्षिक क्यालेन्डरमा विश्वविद्यालय तहमा फेसन विषय पढाइने कलेज नमूना कलेज अफ फेसन टेक्नोलोजीका विद्यार्थीले पढाइको स्नातक तह (ग्रेजुएसन) पूरा गरेपछि कलात्मक फेसनको झलक देखाएका छन् ।
मुलुकभित्र भरपर्दो रोजगारी नपाएपछि नागरिक विदेसिने क्रम रोकिएको छैन । जसको उदाहरण हो, सम्बन्धित निकायमा राहदानी बनाउने नागरिकको भिडभाड । अघिपछि झैं शुक्रबार पनि काठमाडौंको त्रिपुरेश्वरस्थित राहदानी विभागमा रातिदेखि नै सेवाग्राहीको लामै लाइन थियो ।
म सानो छँदा हरेक साँझ घरमा ठूलाबडाहरू घेरा हालेर शान्त भएर सुन्ने गर्नुहुन्थ्यो– रेडियो । नबुझे पनि उहाँहरूसँगै म पनि सुन्न बस्थें । ती क्षण मस्तिष्कमा ताजै छन् । अनि त्यो रेडियो पनि । मोटा र ठूला एभरेडी ब्याट्री लाग्ने, लामो एरियल, माथि तानेर बजाउनुपर्ने । ती रेडियो आजभोलि सायदै प्रयोगमा होलान् । जीवनको कुनै क्षणमा हाम्रो पुस्तासम्मले त्यो देख्न र प्रयोग गर्न पाए पनि अबको पुस्तामा त्यसको महत्त्व छैन ।
भक्तपुरको सूर्यविनायकको दधिकोट उत्तिसघारीका ३ वटा पानी ट्यांकरमा दैनिक २ लाख लिटर पानी संकलन गरेर दधिकोट बृहत् खानेपानी उपभोक्ता समितिले ३ हजार घरधुरीलाई वितरण गर्दै आएको छ ।
३०० औं पृथ्वी जयन्ती तथा राष्ट्रिय एकता दिवस मनाइएको छ । उक्त अवसरमा मंगलबार राष्ट्रपति विद्यादेवी भण्डारीले सिंहदरबारको मूलद्वारमा रहेको पृथ्वीनारायण शाहको सालिकमा माल्यार्पण गरेकी छन् । यसैगरी नेपाल प्रज्ञा प्रतिष्ठानले शोभायात्रा निकालेको छ । आज देशभर विविध कार्यक्रम गरी पृथ्वी जयन्ती तथा एकता दिवस मनाइँदैछ ।
प्रत्येक वर्ष मार्गशीर्षकृष्ण चतुर्दशीका दिन बिहान शतबीज छरी मनाइने बालाचतुर्दशी पर्व शुक्रबार बिहान मनाइँदैछ । त्रयोदशीका बिहीबार बेलुकीदेखि दिवङ्गत पितृका नाममा अखण्ड दीपदान गरी बसेका भक्तजनले शुक्रबार पितृको सद्गतिको कामना गर्दै शतबीज छर्दैछन् । यस अवसरमा पशुपतिनाथ मन्दिरलगायत देशभरका शिव मन्दिरमा भक्तजनको भिड लाग्छ ।
१२ देखि १७ वर्ष उमेर समूह र दीर्घ रोगीहरूलाई फाइजर खोप लगाइएको छ । कोभिड १९ विरुद्धको खोप नलगाएका तोकिएका दीर्घ रोग भएका र १२ वर्ष उमेरमाथिका व्यक्तिलाई दिइने फाइजर खोपको पहिलो मात्रा मंगलबार लगाइएको हो । खोप केन्द्रहरुमा खोप लगाउनेहरुको भीड लागेको थियो ।
कार्तिक शुक्ल एकादशी अर्थात् हरिबोधनी एकादशीका दिन आज बिहानैदेखि उपत्यकाका चार नारायण, बूढानीलकण्ठ नारायणस्थान हित देशभरका नारायण मन्दिरमा भक्तजनको भीड लागेको छ । आषाढ शुक्ल एकादशी अर्थात् हरिशयनी एकादशीका दिन क्षीरसागरमा सुतेका भगवान् विष्णु आज जागा हुने धार्मिक विश्वास छ । आज जागा हुने भगवान् विष्णुलाई पूजाआजासहित आराधना गर्न बिहानैदेखि नारायण मन्दिरमा भक्तजनको भीड लागेको हो ।
दसैं पर्वको सातौं दिन मंगलबार सैनिक मञ्च टुँडिखेलमा फूलपाती बढाइँ गरिएको छ । बिहान दसैंघरमा फूलपाती भित्र्याएपछि नेपाली सेनाले हर्ष बढाइँ गरेको हो । टुँडिखेलमा अयोजित फूलपाती बढाइँ कार्यक्रममा सेनाको सलामी लिनका लागि राष्ट्रपति विद्यादेवी भण्डारी सरिक भएकी थिइन् ।
