कान्तिपुर वेबसाईट
AdvertisementAdvertisement

यसरी मनाइयो सुनसरीमा इद उल फित्र [फोटोफिचर]

वेदराज पौडेल

इनरुवा — इस्लाम धर्मावलम्बीहरुको महान् चाड इद उल फित्र सुनसरीका मुस्लिम समुदायले पनि एक अर्कालाई शुभकामना आदानप्रदान गर्दै मनाए । आफूभित्रको हैबानलाई सदा परास्त गर्न र नेकीका रास्तामा आफूलाई हिँडाउनका लागि पायक पर्ने इदगाहमा प्रार्थना गर्दै मुस्लिमहरुले शुभकामना साटासाट गर्दै इद उल फित्र मनाएका छन् । इस्लामिक क्यालेण्डर अनुसार एक महिना लामो ब्रत रोजा तोडेपछि इद उल फित्र मनाइन्छ ।

वर्षभरि आर्जन गरिएको रकमबाट निर्धारित रकम जाकातको रुपमा असहायमा वितरण गर्ने र विगतका तिता कुरा बिर्सेर एक आपसमा भाइचाराको सम्बन्ध स्थापित गर्ने यो पर्वको खास महत्व रहेको छ । जाकत, फितराको निकासा गरी वार्षिक कारोबारलाई शुद्धि गर्दै गरिन्छ । इदमा नया लुगा लगाउने, मासुका विभिन्न परिकार र सेवई खाने चलन छ ।

हरिनगर गाउँपालिकाका अध्यक्ष गफार अन्सारीले मानिसभित्र इन्सानियत जगाउने र विश्वबन्धुत्वको भावना फैल्याउन यो पर्वले ठूलो सहयोग गर्ने बताए । उनले नेपालको सबैभन्दा ठूलो भुटाहा इदगाहमा एकै पटक दस हजारभन्दा बढीले बुधबार बिहान नमाज पढेको बताए । सुनसरीको इनरुवा, भुटाहा, जल्पापुर, भोक्राहा, पकली, कोसी गाउँपालिका, इटहरी लगायत क्षेत्रमा समेत इद उल फित्रको बिहान नमाज पढेर मनाइयो ।

प्रकाशित : जेष्ठ २२, २०७६ १५:५९
प्रतिक्रिया
पठाउनुहोस्

१० लाख घूस लिएर नक्कली चालक खडा गर्ने प्रहरी निरीक्षक अख्तियारको नियन्त्रणमा 

नारायण शर्मा

नवलपरासी — सवारी ज्यान मुद्दामा १० लाख घूस लिएर नक्कली चालक खडा गर्ने गैंडाकोटका प्रहरी निरीक्षक अख्तियारको कारबाहीमा परेका छ्न् । अख्तियार दुरुपयोग अनुसन्धान आयोगको केन्द्रीय टोलीले इलाका प्रहरी कार्यालय गैंडाकोट नवलपुरका प्रमुख प्रहरी निरीक्षक लोकबहादुर जिसीलाई मंगलबार पक्राउ गरी अनुसन्धान थालेको हो ।

उनीविरुद्ध १० लाख रुपैयाँ लिएर सवारी ज्यान मुद्दामा चालक फेरेको प्रमाणसहित उजुरी परेको थियो ।

सवारी दुर्घटनामा एक जनाको मृत्यु र अर्का गम्भीर घाइते भएको घटनामा जिसीले चालक फेरेर दोषीलाई उन्मुक्ति दिएका थिए । घटनाको विषयलाई लिएर प्रहरी निरीक्षक जिसीले उल्टै पीडित पक्षलाई हप्कीदप्की गरेको प्रमाण फेला परेको अख्तियारले जनाएको छ । आयोगका अनुसार वैशाख ११ मा बोधराज पाण्डेले चलाएको जिपले विपरीत दिशाबाट आउँदै गरेको मोटरसाइकललाई ठक्कर दिएको थियो । पूर्व–पश्चिम राजमार्गमा राति ११ बजे भएको घटनाको अनुसन्धानमा प्रहरी निरीक्षक जिसीले बेइमानी गरेको पीडित पक्षको भनाइ छ ।

निरीक्षक जिसीले मोटरसाइकल चालक गम्भीर घाइते र पछाडि बस्ने महिलाको मृत्यु भएकाले चालकको पहिचान नुखल्ने भन्दै १० लाख खाएर पाण्डेको साटो किसुन महतोलाई नक्कली चालक बनाएर उभ्याएका थिए । महतोको सवारी चालक अनुमति पत्र छ भने दुर्घटनाको बेला सवारी चलाउने बोधराज लाइसेन्सविहीन हुन् ।

प्रकाशित : जेष्ठ २२, २०७६ १५:३८
पूरा पढ्नुहोस्
प्रतिक्रिया
पठाउनुहोस्
×