शान्ति प्रक्रिया टुंगोमा नपुग्दा नेपाल द्वन्द्वपीडित देशमा वर्गीकृत भएको छ : कल्याण श्रेष्ठ

विश्वमान चित्रमा नेपाललाई द्वन्द्वपीडित देशबाट शान्त देशमा बदल्नुपर्ने बताए । उनले पीडितलाई न्यायको प्रतीक्षा गराउन नहुने उनको भनाइ थियो । उनले शान्ति प्रक्रियाका बाँकी काम टुंगो लगाउन राष्ट्रिय प्रयास आवश्यक रहेको बताए । जतिसुकै जनआन्दोलन भए पनि अन्याय दबाएर दिगो विकास र शान्ति स्थापना हुन नसक्ने बताउँदै उनले भने, ‘यो देश हाम्रो शान्तिमय देशको रुपमा संसारको मानचित्रमा बसेको देश हो । केही समय हामी द्वन्द्वपीडित देशमा वर्गीकृत छौँ । विश्वमानचित्रमा द्वन्द्वपीडित राष्ट्रमा हामी चित्रित छौँ । यो शान्ति प्रक्रिया टुंगोमा नपुगेका कारणले यो चित्र हाम्रो निरन्तर छ ।’

यस्तो चित्रलाई बदल्नुपर्ने भन्दै उनले पीडितलाई न्यायको प्रतीक्षामा अब ढिलाइ हुन दिन नहुने बताए । ‘यो समाधान गर्न सकिने विषय हो । राष्ट्रिय प्रयासबाट हुनसक्छ । त्यसका लागि हामीमा ऊर्जा, साहस, लगन र उदारतामा जरुरी छ । राजनीतिक पाटोबाट उपलब्धि हासिल त भए, राजनीतिक वर्गले केही उपलब्धि त लिए, तर जतिसुकै जनआन्दोलन भए पनि त्यो जनआन्दोलन वा क्रान्तिमा भएका अन्यायहरू सहिदेऊ भनेर पीडितलाई भन्ने अधिकार कसैलाई छैन । अन्याय सहन हुँदैन, सहन भन्नुहुँदैन । त्यो तर्जुमा गर्नसक्ने भनेको न्यायबाट हो‚’ उनले भने ।

पूर्वप्रधानन्यायधीश श्रेष्ठले दिगो शान्ति ल्याउन न्यायिक आधार सुदृढ गर्नुपर्ने बताए । न्यायलाई इन्कार गरेर दिगो शान्ति हुन नसक्ने भन्दै उनले अब कुनैपनि बहानामा न्याय दिन ढिलाइ गर्न नहुने बताए ।