जबराको महाभियोग निष्प्रभावी गर्ने पत्रविरुद्ध सर्वोच्चमा रिट
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — निलम्बित प्रधानन्यायाधीश चोलेन्द्रशमशेर जबराको महाभियोग निष्प्रभावी गर्ने संघीय संसद्का महासचिव भरतराज गौतमको पत्रविरुद्ध सर्वोच्च अदालतमा रिट पेस भएको छ ।
![](https://assets-cdn.ekantipur.com/uploads/source/ads/900x100-1172024092759.gif)
![जबराको महाभियोग निष्प्रभावी गर्ने पत्रविरुद्ध सर्वोच्चमा रिट](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2021/politics/supremecourt-hemanta-shrestha1-2452021112724-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
सर्वोच्च अदालत बारले बुधबार दिउँसो रिट पेस गरेको हो । महासचिव गौतमले बुधबार बिहान जबराको निलम्बन फुकुवाको पत्र राष्ट्रपति कार्यालय, प्रधानमन्त्री कार्यालय, सर्वोच्च अदालत, न्यायपरिषद्, संवैधानिक परिषद्, प्रधानन्यायाधीशको कार्यालयमा पठाएका थिए । उक्त पत्र संविधान र कानुनविपरीत भएको भन्दै सर्वोच्च अदालत बार एशोसिएसनले रिट दायर गरेको हो ।
सर्वोच्च अदालत बार एशोसिएसनका अध्यक्ष एवं वरिष्ठ अधिवक्ता पूर्णमान शाक्यले संसद् सचिवालयका महासचिव गौतमको गैरकानुनी कदमविरुद्ध रिट दायर गरेको बताए । रिटमा महासचिव गौतमका साथै संसद् सचिवालयलाई पनि विपक्षी बनाइएको छ । रिट दर्ताको क्रममा रहेको वरिष्ठ अधिवक्ता शाक्यले बताए ।
सर्वोच्च बारका सदस्य अनन्त लुइँटेलले सार्वभौम संसद्को क्षेत्राधिकार रहेको विषयलाई एक कर्मचारीले निष्प्रभावी गर्न नसक्ने रिटमा दाबी गरेका छन् । 'उक्त सार्वभौम संसद्को क्षेत्राधिकार रहेको विषयलाई संसद्का एक कर्मचारीले निष्प्रभावी गर्न सक्दैनन्,' लुइँटेलले भने ।
सम्बन्धित समाचार
- संसदलाई सर्वोच्चको प्रश्न- 'कुन कानुनअनुसार जबरालाई महाभियोग निष्प्रभावी भएको पत्र दिइएको हो?'
- जबराविरुद्धको महाभियोग प्रस्ताव संसद्मा जीवितै छ, छलफल हुन्छ : मन्त्री कार्की
- 'निर्वाचन सम्पन्न भएसँगै महाभियोग निष्प्रभावी, प्रधानन्यायाधीश नियमित काममा फर्कन सक्छन्'
- संसद्का महासचिवले जबरालाई पठाए महाभियोग निष्क्रिय भएको पत्र
![](https://assets-cdn.ekantipur.com/uploads/source/ads/900-x-100-0172024023126.gif)