प्रहरी समायोजनको माग गर्दै मधेसका मुख्यमन्त्रीसहित मन्त्रीहरू धर्नामा- समाचार - कान्तिपुर समाचार
कान्तिपुर वेबसाईट
AdvertisementAdvertisement

प्रहरी समायोजनको माग गर्दै मधेसका मुख्यमन्त्रीसहित मन्त्रीहरू धर्नामा

कान्तिपुर संवाददाता

काठमाडौँ — प्रहरी समायोजन नभएको भन्दै मधेस सरकारका मुख्यमन्त्रीसहित मन्त्रीहरू धर्नामा बसेका छन् । संघीय सरकारविरुद्ध उनीहरूले आइतबार बिहानैदेखि प्रदेश प्रमुखको कार्यालयमा धर्ना बसेका हुन् ।

शनिबार मधेस प्रदेश सरकारका गृह तथा सञ्चारमन्त्री भरतप्रसाद साहले पत्रकार सम्मेलन गर्दै आन्दोलन घोषणा गरेका थिए । मन्त्री साहले पहिलो चरणको कार्यक्रमअन्तर्गत प्रदेश प्रमुखको कार्यालयअगाडि धर्ना गरिने जानकारी दिए ।

आइतबारको धर्नामा मुख्यमन्त्री लालबाबु राउत, सञ्चारमन्त्री भरतप्रसाद साह लगायत मन्त्रीहरू ब्यानरसहित सहभागी छन् ।

यसअघि पनि मधेस सरकारका मन्त्रीहरूले संघीय सरकारबाट सहयोग नपाएको गुनासो गर्दै आएका थिए । कान्तिपुरद्वारा आयोजित मधेश मन्थनको क्रममा मुख्यमन्त्री राउतले मुलुकमा संघीयता आए पनि शासन प्रणालीको सिद्धान्तअनुसार केन्द्र सरकारबाट सहयोग हुन नसकेको बताएका थिए ।

प्रहरी समायोजन नगरिए आन्दोलन गर्ने चेतावनी

प्रकाशित : श्रावण २९, २०७९ १३:२४
प्रतिक्रिया
पठाउनुहोस्

सरकार बिचौलियाबाट कमाउन व्यस्त छ : एमाले सांसद सुनुवार

कान्तिपुर संवाददाता

काठमाडौँ — प्रमुख प्रतिपक्षी दल नेकपा (एमाले)का सांसद यज्ञराज सुनुवारले सरकार बिचौलियाहरूबाट कमाउने धन्दामा लागिपरेको आरोप लगाएका छन् ।

आइतबार प्रतिनिधिसभा बैठकमा विशेष समय लिएर बोल्दै उनले नेताहरू चुनावका लागि चन्दा संकलनमा व्यस्त रहेको, कर्मचारीहरू कमिसनमा चलेको, ठेकेदारहरू कामै नगरी कमाउने धन्दामा लागेको भन्दै आपत्तिसमेत जनाए ।

सांसद सुनुवारले ढिलासुस्ती र कमसल काम गर्ने ठेकेदारहरूलाई कारबाही हुने गरी कानुनी व्यवस्था गर्न तत्काल सार्वजनिक खरिद ऐन संशोधन गर्न पनि सरकारसँग माग गरे।

आफूले प्रतिनिधित्व गरेको ओखलढुंगा जिल्लामा समेत विकास, निर्माणका कामहरूमा ढिलाइ रहँदा पनि सरकारले कुनै चासो नदिएको उनको गुनासो थियो ।

सांसद सुनुवारले भने, ‘सरकार बिचौलियाहरूबाट कमाउन व्यस्त छ । नेताहरू चुनावका लागि चन्द संकलनमा मस्त । कर्मचारीहरू कमिसनमा रमाउने, अनि ठेकेदारहरू काम नगरी कमाउने । आजको मुलुकको अवस्था, मुलुकका थिति यहाँ पुगेको छ भन्ने कुरा समाजमा उठ्न थालेको छ । आज जुन ढंगले हामीले गति दिनुपर्ने थियो, हामीले भनेका थियौं– सार्वजनिक खरिद ऐन यो संसदमा ल्याइयोस् । त्यसमा आमूल परिवर्तनको खाँचो छ । राम्रो काम गर्ने पुरस्कार, ढिलासुस्ती र कमजोर काम गर्नेहरूलाई कारबाही हुनु पर्छ भनेर हामीले भनेका थियौं । तर त्यसो हुन सकिरहेको छैन ।'


सांसद सुनुवारले पुलपुलेसाहरूको आवश्यक व्यवस्था सरकारले मिलाउन नसक्दा पनि आमजनताहरू मारमा परिरहेको बताए ।

प्रकाशित : श्रावण २९, २०७९ १३:१६
पूरा पढ्नुहोस्
प्रतिक्रिया
पठाउनुहोस्
×