बुढीगंगामा एमाले उम्मेदवारको अग्रता कायमै
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
बाजुरा — पुन: मतदानमा ९ हजार १२८ खसेको बाजुराको बुढीगंगा नगरपालिकामा २ हजार ७ सय मत गणना हुँदा नगरप्रमुख पदका एमाले उम्मेदवार रामबहादुर बानियाँले अग्रता कायमै राखेका छन् । उनी कांग्रेस उम्मेदवार रंगबहादुर खातीभन्दा ५ सय ६२ मतले अगाडि छन् । खातीले ९ सय ९० मत पाएका छन् ।
![](https://assets-cdn.ekantipur.com/uploads/source/ads/900x100-1172024092759.gif)
![बुढीगंगामा एमाले उम्मेदवारको अग्रता कायमै](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/third-party/budhiganga-0872022051505-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
यस्तै, उपप्रमखु पदमा पनि एमालेकै उम्मेदवार अगाडि छन् । एमाले उम्मेदवार माया कुँवर कांग्रेस उम्मेदवार रिता शाहभन्दा ५ सय ४७ मतले अगाडि छन् ।
१० वटा वडा रहेको बुढीगंगामा हालसम्म १ र १० नम्बरमा वडाध्यक्ष पदमा एमाले उम्मेदवार विजयी भइसकेका छन् । १ नम्बरमा एमाले उम्मेदवार रणबहादुर थापाले कांग्रेस उम्मेदवार लोगबहादुर थापालाई ६६ मतले पराजित गरेका छन् । यस्तै १० नम्बरमा एमाले उम्मेदवार दलबहादुर साउँदले कांग्रेस उम्मेदवार मोहन बुढाभन्दा ५७ मत बढि ल्याएर विजयी भएका छन् । गणना भइरहेका वडा नम्बर २ र ९ मा पनि एमाले उम्मेदवारकै अग्रता छ ।
वैशाख ३० गते स्थगित भई बिहीबार सम्पन्न पुन: भएको मतदानको शुक्रबार दिउँसोदेखि गणना सुरु भएको हो ।
![](https://assets-cdn.ekantipur.com/uploads/source/ads/900-x-100-0172024023126.gif)