बुढीगंगामा एमाले उम्मेदवारको अग्रता कायमै
बाजुरा — बाजुराको बुढीगंगा नगरपालिकामा ३ हजार ४४० मत गणना हुँदा नगरप्रमुख पदका एमाले उम्मेदवार रामबहादुर बानियाँले अग्रता कायमै राखेका छन् । उनले २ हजार ४५ मत प्राप्त गरेका छन् भने कांग्रेस उम्मेदवार रंगबहादुर खातीले एक हजार १८८ मत पाएका छन् । पुन: भएको मतदानमा कूल ९ हजार १२८ खसेको छ ।
यस्तै उपप्रमखु पदमा पनि एमालेकै उम्मेदवार अगाडी छन् । एमाले उम्मेदवार माया कुँवर एक हजार ९९१ मत पाएकी छिन् भने कांग्रेस उम्मेदवार रिता शाहले एक हजार २२२ मत ल्याएकी छिन् ।
१० वटा वडा रहेको बुढीगंगामा हालसम्म १, ९ र १० नम्बर वडामा वडाध्यक्ष पदमा एमालेका उम्मेदवार विजयी भइसकेका छन् । २ नम्बर वडामा गणना चलिरहेको छ ।
प्रकाशित : असार २५, २०७९ ०९:२७प्रतिक्रिया
