स्थानीय तह निर्वाचनमा धाँधली र राज्यशक्तिको दुरुपयोग भयो : लोसपा
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — लोकतान्त्रिक समाजवादी पार्टीले स्थानीय तह निर्वाचनमा धाँधली र राज्यशक्तिको दुरुपयोग भएको आरोप लगाएको छ । लोसपाले मंगलबार एक विज्ञप्ति जारी गर्दै स्थानीय तह निर्वाचन स्वच्छ हुन नसकेको आरोप लगाएको हो ।
![](https://assets-cdn.ekantipur.com/uploads/source/ads/900x100-1172024092759.gif)
![स्थानीय तह निर्वाचनमा धाँधली र राज्यशक्तिको दुरुपयोग भयो : लोसपा](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2022/third-party/losapa-2642022010244-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
लोसपाले आगामी दिनमा निर्वाचनमा हुनसक्ने धाँधली र अलोकतान्त्रिक गतिविधिप्रति सजग हुनुपर्ने भन्दै सम्बद्ध पक्षहरूको ध्यानाकर्षण गराएका छन् ।
'स्थानीय तह निर्वाचनमा नेपाल सरकारले निष्पक्षता कायम गर्न नसकेको ठहर गर्दै विभिन्न स्थानहरूमा सत्ता गठबन्धनका घटक दलहरूले धाँधली र राज्य शक्तिको दुरुपयोग गरेको स्पष्ट छ,' लोसपाको विज्ञप्तिमा भनिएको छ, 'अतः भविष्यको निर्वाचनको समयमा हुनसक्ने अलोकतान्त्रिक गतिविधि, धाँधली र शक्तिको दुरुपयोगविरुद्ध आम मतदाता, लोसपा पार्टीपंक्ति, विशेष गरी निर्वाचन आयोग र सुरक्षा निकायहरू थप सचेत र सजग रहन पार्टी सम्बद्ध सबैसँग आग्रह गर्दछ ।'
बैशाख ३० गते सम्पन्न स्थानीय तह निर्वाचनमा लोसपाले १६ स्थानीय तहका प्रमुख/अध्यक्ष जितेको थियो ।
![](https://assets-cdn.ekantipur.com/uploads/source/ads/900-x-100-0172024023126.gif)