त्रियुगा नगरपालिकामा समाजवादीको सूरुआती अग्रता- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

त्रियुगा नगरपालिकामा समाजवादीको सूरुआती अग्रता

डिल्लीराम खतिवडा

उदयपुर — उदयपुरको त्रियुगा नगरपालिकामा पछील्लो दुई दिनदेखि मतगणना जारी छ । मतगणनाको पछिल्लो परिणाम अनुसार नेकपा (एकीकृत समाजवादी)बाट मेयरका उम्मेदाव बलदेव चौधरीले ६७ मतान्तरले अग्रता लिइरहेका छन् ।

मतदान विवादका कारण निर्वाचन सम्पन्न भएको ११ दिनपछि सुरु गरिएको मतगणनाको पछिल्लो नतिजा अनुसार एकीकृत साजवादीका चौधरीले ३ हजार ५ सय ७२ मत प्राप्त गरेका छन् ।

उनलाई कांग्रेसका उम्मेदवार बसन्त बस्नेतले ३ हजार ५ सय ५ मतसहित पछ्याइरहेका छन् । तेस्रो स्थानमा रहेका नेकपा एमालेका उम्मेदवार भागवत राउतले २ हजार ५ सय १८ मत प्राप्त गरेको मुख्य निर्वाचन अधिकृतको कार्यालय गाईघाटले जनाएको छ ।

त्यस्तै उपमेयरमा कांग्रेसकी सरिता राई ३ हजार २ सय ५ मतसहित अग्रस्थानमा छिन् । उनलाई माओवादी केन्द्रकी गीता खड्का कार्कीले २ हजार ९ सय ३५ मतसहित पछ्याइरहेकी छन् ।

यस्तै तेस्रो स्थानमा रहेकी नेकपा एमालेकी महेश्वरी राईले हालसम्म २ हजार ७ सय ६९ मत ल्याएकी छन् । १६ वडा रहेको त्रियुगा नगरपालिकामा अहिलेसम्म ५ वटा वडाको मतपरिणाम सार्वजनिक भएको सहायक निर्वाचन अधिकृत दिलिप मगरले जानकारी दिए । त्रियुगा नगरपालिका उदयपुर जिल्लाको सदरमुकाम रहेको क्षेत्र पनि हो ।

प्रकाशित : जेष्ठ १२, २०७९ १५:१०
प्रतिक्रिया
पठाउनुहोस्

आफ्नै हजुरआमाको हत्या आरोपमा युवक पक्राउ

डिल्लीराम खतिवडा

उदयपुर — उदयपुरको कटारी नगरपालिका–७ रिस्कुकी ७० वर्षीया मनमाया दनुवारको हत्या आरोपमा उनकै २७ वर्षीय नाती रोहित दनुवार पक्राउ परेका छन् ।

बिहीबार बिहान हजुरआमा र नातीबीच जग्गा अंशबण्डाको विषयमा विवाद हुँदा रोहितले धारिलो हतियार प्रहार गरी हजुरआमाको हत्या गरेको प्रहरीको प्रारम्भिक अनुसन्धानबाट खुलेको छ।

हजुरआमाको हत्यापछि फरार रहेका उनलाई दिउँसो प्रहरीले पक्राउ गरेको जिल्ला प्रहरी कार्यालय उदयपुरका निमित्त सूचना अधिकारी प्रहरी निरीक्षक मोहन थापाले बताए ।

रोहितले हजुरआमाको शरीरका विभिन्न भागमा धारिलो हतियार खुकुरीले प्रहार गर्दा उनको घटनास्थलमै मृत्यु भएको थियो । घटना सम्बन्धमा जानकारी पाउनासाथ इलाका प्रहरी कार्यालय कटारीबाट खटिएको टोलीले रोहितलाई पक्राउ गरेको हो । घटनास्थल पुगेको प्रहरीले कानुनी प्रक्रिया पूरा गरी शव परीक्षणको लागि कटारी अस्पताल पठाएको छ ।

हत्या आरोपित रोहितलाई पक्राउ गरी घटना सम्बन्धमा थप अनुसन्धान भइरहेको इलाका प्रहरी कार्यालय कटारीले जनाएको छ ।

प्रकाशित : जेष्ठ १२, २०७९ १४:४२
पूरा पढ्नुहोस्
प्रतिक्रिया
पठाउनुहोस्
×