उच्च अदालतले दुवै पक्षलाई छलफलका लागि बोलायो- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement
त्रियुगा नगरपालिका मतदान विवाद

उच्च अदालतले दुवै पक्षलाई छलफलका लागि बोलायो

डिल्लीराम खतिवडा

उदयपुर — उदयपुरको त्रियुगा नगरपालिका–१२ को मतदान विवादसम्बन्धी मुद्दा लम्बिने भएको छ । प्रदेश एककी सांसद सुनिता चौधरीसहितका स्थानीयले पुन: मतदान गरिपाउँ भनी दायर गरेको रिटमा उच्च अदालत विराटनगरले कारण देखाउ आदेश जारी गरेको हो ।

त्रियुगा नगरपालिका १२ का १० स्थानीयले दायर रिटमा उच्च अदालत विराटनगरले अन्तरिम आदेशका लागि दुवै पक्षलाई छलफलमा झिकाउने आदेश दिएको छ ।

उच्च अदालत विराटनगरका न्यायाधीश रामबहादुर थापाको इजलासले अन्तरिम आदेश दिने–नदिने विषयमा छलफलमा झिकाउने आदेश गरेको हो । जेठ ६ गते दायर रिटमा आफनो मतदान गर्न पाउने संवैधानिक अधिकार कुण्ठित भएकाले पुन: मतदान गराईपाउँ भनी माग गरिएको छ ।

उच्च अदालतबाट अन्तरिम आदेश नभएकाले त्रियुगा नगरपालिका १२ को मतदान विवाद अब अझ लम्बिने भएको छ । निर्वाचन आयोगले निणर्य गर्न नसक्दा १० दिनदेखि मतगणना हुन सकेको छैन ।

प्रकाशित : जेष्ठ ९, २०७९ १५:३४
प्रतिक्रिया
पठाउनुहोस्

त्रियुगा मतदान केन्द्रको विवाद उच्च अदालत विराटनगर इजलासमा

डिल्लीराम खतिवडा

उदयपुर — उच्च अदालत विराटनगरमा त्रियुगा नगरपालिका १२ जनप्रेमी आधारभूत विद्यालय मतदान केन्द्रमा भएको विवादबारे सुनुवाइ भइरहेको छ । 

पहिलो रिटका वादी चित्रकुमार कार्कीले विवादको कारण मतगणना कार्य अवरुद्ध हुन पुगेकाले मतगणना कार्य पुनः सुरु गरिपाऊँ भनी रिट दायर गरेका थिए । कार्कीले दायर गरेको रिटमा न्यायाधीश राजनप्रसाद भट्टराईको एकल इजलासले कारण देखाऊ आदेश जारी गर्दै सोमबारका लागि छलफल बोलाएको थियो ।

अदालतको आदेशअनुसार आज मुख्य निर्वाचन अधिकृतको कार्यालय र रिट दायर गर्ने पक्षबीच अन्तरिम आदेश दिने कि नदिने भन्ने विषयमा छलफल हुने छ । उक्त रिट न्यायधीश दिनेशप्रसाद यादव र किरणकुमारी गुप्ताको इजलासमा सुनुवाइ भइरहेको छ ।

यता स्थानीयको तर्फबाट प्रदेश सांसद सुनिता चौधरीलगायतले दायर गरेको रिटको पनि पहिलो सुनुवाइ हुने भएको छ । त्रियुगा नगरपालिका १२ का १० जनाले दिएको रिटमा उच्च अदालतका न्यायाधीश रामबहादुर थापाको इजालासमा परेको छ ।

प्रकाशित : जेष्ठ ९, २०७९ १४:३१
पूरा पढ्नुहोस्
प्रतिक्रिया
पठाउनुहोस्
×