बारा महागढीमाईको मेयर र उपमेयरमा कांग्रेस विजयी - स्थानीय तह निर्वाचन २०७९ - कान्तिपुर समाचार

बारा महागढीमाईको मेयर र उपमेयरमा कांग्रेस विजयी 

कान्तिपुर संवाददाता

बारा — बाराको महागढीमाई नगरपालिकाको मेयर र उपमेयरमा कांग्रेसका उम्मेदवार विजयी भएका छन् । महागढीमाईको मेयरमा कांग्रेसका उपेन्द्रप्रसाद यादव र उपमेयरमा कांग्रेसकै उम्मेदवार तारादेवी कानु निर्वाचित भएका छन् ।

मुख्य निर्वाचन अधिकृतको कार्यालयले दिएको जानकारी अनुसार महागढीमाई नगरपालिकाको मेयर पदका लागि कांग्रेसका उम्मेदवार यादवले ८ हजार ६ सय ७० ल्याएर विजयी भएका हुन् । उनले निकटतम प्रतिद्वन्द्वी जनता समाजवादी पार्टीका उम्मेदवार रामबाबुप्रसाद यादवलाई १ हजार २ र ९४ को मतान्तरले पराजित गरेका हुन् । पराजित रामबाबुले ७ हजार ३ सय ७६ मत ल्याएका छन् ।

यस्तै, उपमेयरमा निर्वाचित कांग्रेसकी उम्मेदवार तारादेवी कानुले ७ हजार ९ सय ९७ मत ल्याएकी छन् । उनकी निकटतम प्रतिद्वन्द्वी नेपाल कम्युनिष्ट पार्टी (एमाले)की उम्मेदवार पुष्पान्जली देवीले ७ हजार १० मत ल्याएकी छन् ।

प्रकाशित : जेष्ठ ८, २०७९ ०७:०४
प्रतिक्रिया
पठाउनुहोस्

ग्रिष्मा टिम फुटसल विजेता

कान्तिपुर संवाददाता

काठमाडौँ — ग्रीष्मा मल्टिपर्पोजले दोस्रो एनआरएस फुटसल उपाधि जितेको छ । ढुकु फुटसलमा भएको फाइनलमा ग्रिष्माले ज्याकी प्वाइन्ट हेल्थलाई ४–० गोलले पराजित गरेको हो ।

एनआरएस स्पोर्ट्स फाउन्डेसनको आयोजनामा सम्पन्न प्रतियोगिता विजेताले १ लाख र उपविजेताले ५० हजार रुपैयाँ पुरस्कार पाएका हुन् ।

यसअघि ज्याकी प्वाइन्टले फाइनल पुग्नेक्रममा नेपाल खेलकुद पत्रकार मञ्च (एनएसजेएफ) को टिमलाई हराएको थियो । उत्कृष्ट खेलाडी विजेता टिमका संजोग श्रेष्ठ र उत्कृष्ट गोलकिपर संयोग बाँस्कोटा घोषित भए । फेयर प्ले कुमारी टिमले जित्यो ।

उत्कृष्टले समान ५ हजार रुपैयाँ पुरस्कार पाए । प्रतियोगितामा २१ टिमले भाग लिएका थिए ।


प्रकाशित : जेष्ठ ८, २०७९ ०७:०२
पूरा पढ्नुहोस्
प्रतिक्रिया
पठाउनुहोस्
×