नरैनापुरमा जसपा निर्वाचित - स्थानीय तह निर्वाचन २०७९ - कान्तिपुर समाचार

नरैनापुरमा जसपा निर्वाचित 

कान्तिपुर संवाददाता

काठमाडौँ — बाँकेको नरैनापुर गाउँपालिकाको अध्यक्ष र उपाध्यक्षमा जनता समाजवादी पार्टी (जसपा)का उम्मेदवार विजयी भएका छन् । अध्यक्षमा इस्तियाक अहमद शाह र उपाध्यक्षमा जयन्तीदेवी श्रीवास्तव निर्वाचित भएका हुन् ।

पालिकामा दुवै जना दोहोरिएका छन् । शाहले कांग्रेसका रामचन्द्र मौर्य र श्रीवास्तवले कांग्रेसकै अतिकुन निशा खाँलाई पराजित गरेका हुन् ।

शाह ५ हजार ३७ मतका साथ निर्वाचित भएका भने उनका निकटतम प्रतिद्वन्दी मौर्यले ३ हजार ६ सय ८५ मत पाएका छन् । त्यस्तै श्रीवास्तव ३ हजार ८ सय ७९ मतका साथ निर्वाचित हुँदा खाँले ३ हजार ६ सय ७२ मत पाइन् । ६ वटा वडा रहेको नरैनापुरमा ४ वटा वडा कांग्रेस र २ वडा जसपाले जितेका छन् ।

प्रकाशित : जेष्ठ ७, २०७९ ०९:२६
प्रतिक्रिया
पठाउनुहोस्

नुवाकोट बेलकोटगढीको मेयरमा माओवादी र उपमेयरमा कांग्रेस विजयी

कान्तिपुर संवाददाता

नुवाकोट — नुवाकोटको बेलकोटगढी नगरपालिकाको मेयरमा माओवादी केन्द्र र उपमेयरमा नेपाली कांग्रेसका उम्मेदवार विजयी भएका छन् । बेलकोटगढीको मेयरमा माओवादी केन्द्रका उम्मेदवार जगतबहादुर गुरुङ निर्वाचित भएका छन् भने उपमेयरमा कांग्रेसका उम्मेदवार शिवप्रसाद दाहाल विजयी भएका हुन् ।

निर्वाचन आयोगका अनुसार बेलकोटगढी नगरपालिकाको मेयरमा निर्वाचित माओवादी केन्द्रका उम्मेदवार गुरुङले १३ हजार २ सय २२ मत ल्याएर निर्वाचित भएका हुन् ।

उनले निकटतम प्रतिद्वन्द्वी नेपाल कम्युनिष्ट पार्टी (एमाले) उम्मेदवार राजेन्द्र रमण खनाललाई ५ हजार ९ सय ४८ मतान्तरले पराजित गरेका हुन् । पराजित खनालले ७ हजार २ सय ७४ मत ल्याएका छन् ।

यस्तै, उपमेयरमा निर्वाचित कांग्रेसका उम्मेदवार दाहालले १० हजार ७ सय ६६ मतसहित विजयी भएका छन् । उनका निकटतम प्रतिद्वन्द्वी एमालेकी उम्मेदवार रुपा सापकोटाले ७ हजार २ सय ७४ मत ल्याएकी छन् ।

नुवाकोटको बेलकोटगढीमा सरकारमा रहेका दलहरूबीच गठबन्धन भएको थियो । नगरपालिकाका मुख्य पदमा माओवादी र कांग्रेसले भागबण्डा गरेर उम्मेदवार चयन गरेका थिए ।

प्रकाशित : जेष्ठ ७, २०७९ ०९:२३
पूरा पढ्नुहोस्
प्रतिक्रिया
पठाउनुहोस्
×