हेटौंडामा मतगणना नसकिँदै एमाले उम्मेदवारले दिए नेकपा एसकी लामालाई बधाई- स्थानीय तह निर्वाचन २०७९ - कान्तिपुर समाचार

हेटौंडामा मतगणना नसकिँदै एमाले उम्मेदवारले दिए नेकपा एसकी लामालाई बधाई

सुवास विडारी

मकवानपुर — हेटौंडा उपमहानगरपालिकाको करिब ४ हजार मत गन्न बाँकी हुँदै एमालेले हार स्वीकार गरेको छ । ७३ हजार ४ सय १४ मत खसेकोमा पछिल्लो मत परिणामअनुसार ६९ हजार ६ सय ९६ मत मात्रै गणना भएको छ ।

गठबन्धनको तर्फबाट मेयरका उम्मेदवार बनेकी नेकपा एकीकृत समाजवादीकी मीना लामाले एमाले उम्मेदवारसँग २ हजार ७७ मतान्तर कायम राखेकी छन् । तर, ३ हजार ७ सय १८ मत गणना हुने क्रममा रहको छ । एमाले उम्मेदवार अनन्त पौडेलले हार स्वीकार गर्दै गठबन्धनकी उम्मेदवार लामालाई भेटेरै बधाई दिएका छन् ।

मतगणना स्थलमै आएर उनले लामालाई खादा लगाउदै बधाई दिएका हुन् । अहिले हेटौंडा ९,१०,११,१२ र १३ नम्बर वडाको मतगणना जारी छ ।

प्रकाशित : जेष्ठ ६, २०७९ १६:३९
प्रतिक्रिया
पठाउनुहोस्

प्रदेश सरकारद्वारा बजेट अधिवेशन आव्हान

दीर्घरोगीहरुलाई उपचार खर्चस्वरुप ५० हजार रुपैयाँ सहयोग रकम उपलब्ध गराउने कार्यविधि प्रदेश मन्त्रिपरिषद् बैठकबाट पास
सुवास विडारी

(मकवानपुर) — वाग्मती प्रदेश सरकारले बजेट अधिवेशन आव्हान गर्न प्रदेश प्रमुख यादवचन्द्र शर्मा सिफारिस गरेको छ । शुक्रबार बिहान बसेको मन्त्रिपरिषद् बैठकले जेठ १३ गतेका लागि बजेट अधिवेशन आह्वान गर्न सिफारिस गर्ने निर्णय गरेको हो ।

मन्त्रिपरिषद् बैठकले जेठ १३ गते बिहान ११ बजेको लागि बजेट अधिवेशन आह्वान गर्न प्रदेश प्रमुख यादवचन्द्र शर्मा समक्ष सिफारिस गरेको छ ।

सरकारका प्रवक्ता एवं आन्तरिक मामिला तथा कानुनमन्त्री कृष्णप्रसाद शर्मा खनालका अनुसार बैठकले दीर्घरोगीहरुलाई उपचार खर्चस्वरुप ५० हजार रुपैयाँ सहयोग रकम उपलब्ध गराउने कार्यविधि पास गरेको छ ।

सरकारले यसअघि नै हृदयाघात, मस्तिस्कघात, मुटु, दम, मधुमेह, फिस्टुला, क्यान्सरलगायत विभिन्न नसर्ने रोग लागेका विरामीहरुलाई उपचारको लागि ५० हजार दिने निर्णय गरेको थियो । कार्यविधि नबन्दा सर्वसाधारण बिरामीले यस सेवा प्राप्त गर्न समस्या भइरहेको थियो ।

बैठकले सामाजिक सुरक्षा कार्यक्रमअन्तर्गत् वृद्धाश्रम, अनाथालय, घाटलगायतमा दाउराको सहज आपूर्तिको व्यवस्था मिलाउने निर्णय भएको मन्त्री खनालले बताए ।

प्रकाशित : जेष्ठ ६, २०७९ ११:५१
पूरा पढ्नुहोस्
प्रतिक्रिया
पठाउनुहोस्
×