मुगुका पालिका प्रमुख र उपप्रमुखमा एमाले शून्य- स्थानीय तह निर्वाचन २०७९ - कान्तिपुर समाचार

मुगुका पालिका प्रमुख र उपप्रमुखमा एमाले शून्य

राजबहादुर शाही

मुगु — मुगुका चार वटा स्थानीय तहमा नेकपा एमाले वडामै सिमित देखिएको छ । यहाँका चार वटा स्थानीय तहमा एमालेले कुनै पनि प्रमुख र उपप्रमुख पद जित्न सकेन ।

छायाँनाथ रारा नगरपालिकाको प्रमुखमा कांग्रेसका बिष्णु कुमार भाम तथा उपप्रमुखमा ऐश्वर्य मल्ल विजयी भएका छन् । मुगुम कार्मँरोङ गाउँपालिकाको अध्यक्षमा कांग्रेसकै छिरिङ क्यप्ने लामाले जितेका छन् ।

यस्तै सोरु गाउँपालिकाको उपाध्यक्षमा कांग्रेसका केशरजङ शाही र खत्याड गाउँपालिकाको उपाध्यक्षमा कांग्रेसकी सरिता रोकाया विजयी भएकी छन् ।

खत्याड गाउँपालिकामा नेकपा माओवादी केन्द्रका अजबहादुर शाहीले अध्यक्ष पद जितेका छन् भने सोरु गाउँपालिकाको अध्यक्षमा एकीकृत समाजवादीका धर्मबहादुर शाही निर्वाचित भएका छन् ।

नेकपा एमाले भने वडामै सिमित देखिएको छ । चार वटा स्थानीय तहका ४५ वटा वडामध्ये एमालेले १६ वडाध्यक्षसहित सदस्य जितेको छ ।

एकीकृत समाजवादीले एउटा वडा र एक पालिकामै सिमित रहेको छ । माआवादीले एक पालिका अध्यक्षसहित ७ वटा वडाध्यक्ष जितेको छ । जिल्लाभर १८ वटा वडाध्यक्षसहित तीन उपप्रमुख र दुई पालिका प्रमुख पद जितेर कांग्रेस पहिलो स्थानमा देखिएको छ ।

प्रकाशित : जेष्ठ ६, २०७९ ११:१६
प्रतिक्रिया
पठाउनुहोस्

मुगुका अधिकांश वडामा कांग्रेस विजयी

राजबहादुर शाही

मुगु — जिल्लाको चारवटा स्थानीय तह र ४५ वटा वडाहरुमा कांग्रेसको वर्चश्व देखिएको छ । छायाँनाथ रारा नगरपालिकाको १४ वटामध्ये कांग्रेसले ६, एमालेले ७ र एकीकृत समाजवादीले एउटा वडा जितेको छ ।

त्यसैगरी खत्याड गाउँपालिकामा कांग्रेस ३, माओवादीले ५ र एमालेले ३ वडाध्यक्ष जितेका छन् भने सोरु गाउँपालिकामा कांग्रेसले ४, माओवादीले २, एमालेले २ र स्वतन्त्रले ३ वडाअध्यक्ष जितेका छन् ।

मुगुम कार्मारोङ गाउँपालिकामा कांग्रेसले ५ र एमालेले ४ वडाध्यक्ष जितेको छ । एकीकृत समाजवादी पार्टीले सोरुमा १ अध्यक्ष र १ महिला वडाध्यक्षमा चित्त बुझाएको छ ।

मुगुका ४५ वटा वडा मध्ये नेकपा माओबादी केन्द्रले ७ वटा वडाध्यक्ष मात्र जित्न सफल भएको छ । १८ वटा वडाध्यक्ष जितेर कांग्रेस पहिलो र १६ वटा वडाअध्यक्ष जितेर एमाले दोस्रो भएको छ ।

जिल्लाको ४५ वटा वडामध्ये दलित अध्यक्षमा १ जनाले मात्र जितेको छ भने महिला अध्यक्ष पनि १ जना मात्र छ ।

प्रकाशित : जेष्ठ ५, २०७९ १५:२२
पूरा पढ्नुहोस्
प्रतिक्रिया
पठाउनुहोस्
×