सर्लाहीको हरिवन मेयरमा माओवादीका बुढाथोकी- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

सर्लाहीको हरिवन मेयरमा माओवादीका बुढाथोकी

पहिले जाेसँग पराजित भए, अहिले उनैलाई हराए बुढाथाेकीले 
ओमप्रकाश ठाकुर

सर्लाही — सर्लाहीको हरिवन नगरपालिकाको मेयरमा माओवादीका रमेश बुढाथोकी विजयी भएका छन् । उपमेयरमा भने एमालेकी हरीमाया घलान निर्वाचित भइन् । स्थानीय तहको निर्वाचन २०७९ मा हरिवन नगरपालिकाको मेयर पदका लागि माओवादीका उम्मेदवार बुढाथोकीले ७ हजार २ मत ल्याई विजयी भएका छन् । उनका  निकटतम प्रतिद्वन्द्वी नेकपा एमालेका गणेशप्रसाद प्रसाईंले ६ हजार ८ सय ४९ मत ल्याएका छन् । 

यस्तै उपमेयरमा भने एमालेकी उम्मेदवार घलान ६ हजार ८ सय ५५ मत ल्याई विजयी भइन् । उनकी निकटतम प्रतिद्वन्द्वी माओवादीकी पदमा मुक्तानले ५ हजार ३ सय २१ मत प्राप्त गरिन् । हरिवनमा पालिका प्रमुखको मतगणना अन्तिम समयसम्म निकै प्रतिस्पर्धा देखियो । पालिकाभर माओवादीले एक वडासदस्य समेत जित्न नसके पनि बुढाथोकीले बाजी मारे । बुढाथोकी यसअघिको स्थानीय तहको चुनावमा एमालेका प्रसाईंसँग पराजित भएका थिए ।


प्रकाशित : जेष्ठ ६, २०७९ ०६:४६
प्रतिक्रिया
पठाउनुहोस्

सर्लाहीमा लोसपाको पहिलो जित, गोडैताको मेयर/उपमेयरमा विजयी

ओमप्रकाश ठाकुर

सर्लाही — सर्लाहीमा लोकतान्त्रिक समाजवादी पार्टी(लोसपा)ले पहिलो जित निकालेको छ । गोडैता नगरपालिकाका मेयर तथा उपमेयर दुवैमा लोसपाले जित निकालेको हो । 

गोडैता नगरपालिकाका मेयरमा लोसपाका उम्मेदवार देवेन्द्र यादव ५ हजार २ सय ९४ मत ल्याई विजयी भएका छन् । उनले निकटतम प्रतिद्वन्द्वी नेपाली कांग्रेसका उम्मेदवार उपेन्द्रप्रसाद कुशवाहालाई ५ सय ४२ मतान्तरले पराजित गरेका हुन् । पराजित कुशवाहाले ४ हजार ७ सय ५२ मत ल्याएका छन् ।

यस्तै उपमेयरमा लोसपाकै अन्जना कुशवाहा ५ हजार ३ सय १ मत ल्याई विजयी भइन् । उनकी निकटतम प्रतिद्वन्द्वी कांग्रेसकी रामसखीदेवीले ४ हजार ४ सय ९३ मत प्राप्त गरिन् ।

यसअघिको स्थानीय तहको निर्वाचनमा तत्कालीन राजपाले ६ स्थानीय तह जितेको थियो । यस वर्ष भने निर्वाचनमा एक तहमा मात्र सीमित भएको छ ।

जिल्लाको २० स्थानीय तहमध्ये ५ स्थानीय तहको मतगणना भइरहेको छ । जसमध्ये कांग्रेस २ स्थानीय तहमा, एमाले, माओवादी र जसपाले एक–एक स्थानीय तहमा अग्रता लिइरहेको छ ।

प्रकाशित : जेष्ठ ५, २०७९ १४:२४
पूरा पढ्नुहोस्
प्रतिक्रिया
पठाउनुहोस्
×