मुगुका अधिकांश वडामा कांग्रेस विजयी- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

मुगुका अधिकांश वडामा कांग्रेस विजयी

राजबहादुर शाही

मुगु — जिल्लाको चारवटा स्थानीय तह र ४५ वटा वडाहरुमा कांग्रेसको वर्चश्व देखिएको छ । छायाँनाथ रारा नगरपालिकाको १४ वटामध्ये कांग्रेसले ६, एमालेले ७ र एकीकृत समाजवादीले एउटा वडा जितेको छ ।

त्यसैगरी खत्याड गाउँपालिकामा कांग्रेस ३, माओवादीले ५ र एमालेले ३ वडाध्यक्ष जितेका छन् भने सोरु गाउँपालिकामा कांग्रेसले ४, माओवादीले २, एमालेले २ र स्वतन्त्रले ३ वडाअध्यक्ष जितेका छन् ।

मुगुम कार्मारोङ गाउँपालिकामा कांग्रेसले ५ र एमालेले ४ वडाध्यक्ष जितेको छ । एकीकृत समाजवादी पार्टीले सोरुमा १ अध्यक्ष र १ महिला वडाध्यक्षमा चित्त बुझाएको छ ।

मुगुका ४५ वटा वडा मध्ये नेकपा माओबादी केन्द्रले ७ वटा वडाध्यक्ष मात्र जित्न सफल भएको छ । १८ वटा वडाध्यक्ष जितेर कांग्रेस पहिलो र १६ वटा वडाअध्यक्ष जितेर एमाले दोस्रो भएको छ ।

जिल्लाको ४५ वटा वडामध्ये दलित अध्यक्षमा १ जनाले मात्र जितेको छ भने महिला अध्यक्ष पनि १ जना मात्र छ ।

प्रकाशित : जेष्ठ ५, २०७९ १५:२२
प्रतिक्रिया
पठाउनुहोस्

मुगुको सोरु गाउँपालिका अध्यक्षमा एकीकृत समाजवादी र उपाध्यक्षमा कांग्रेस विजयी

राजबहादुर शाही

मुगु — सोरु गाउँपालिकाको अध्यक्षमा नेकपा (एकीकृत समाजवादी) र उपाध्यक्षमा नेपाली कांग्रेसका उम्मेदवार विजयी भएका छन् । एकीकृत समाजवादीका अध्यक्ष उम्मेदवार धर्मबहादुर शाहीले ४ हजार ५५ मत ल्याएर विजयी भएका छन् भने उनका निकटतम प्रतिद्वन्द्वी एमालेका डिल्लीप्रसाद भट्टले १ हजार ८ सय ८९ मत प्राप्त गरे । एमालेका भट्टसँग एकीकृत समाजवादीका शाहीले २ हजार १ सय ६६ मतान्तरले जित हासिल गरेका हुन् । 

उपाध्यक्षमा निर्वाचित कांग्रेसका उम्मेदवार केशरबहादुर शाहीले ४ हजार २ सय ३ मत ल्याएका छन् । उनका निकटतम प्रतिस्पर्धी एमालेकी डिलकली शाहीले ९ सय ६८ मत प्राप्त गरेकी थिइन् । सोरु गाउँपालिकामा कांग्रेस, माओवादी र एकीकृत समाजवादी पार्टीले गठबन्धन गरेका थिए ।

एकीकृत समाजवादीलाई अध्यक्ष, कांग्रेसलाई उपाध्यक्ष र माओवादी केन्द्रलाई ५ वडा अध्यक्षको भागबण्डा गरी गठबन्धन भएको थियो । मुगुको चार वटा स्थानीय तहहरूको मतगणना सम्पन्न भएको मुख्य निर्वाचन अधिकृतको कार्यालयले जनाएको छ ।

प्रकाशित : जेष्ठ ५, २०७९ ०८:५९
पूरा पढ्नुहोस्
प्रतिक्रिया
पठाउनुहोस्
×