भरतपुरमा ३० हजार मत गनियो, रेनुको अग्रता बढ्दै
चितवन — भरतपुर महानगरपालिकाको मेयर पदमा सत्तारूढ गठबन्धनका उम्मेदवार माओवादी केन्द्रकी रेनु दाहालको अग्रता फराकिलो हुँदै गएको छ । हाल भरतपुर-७ को गणना भइरहेको छ ।
महानगरको कुल ३० हजार २५२ मत गणना हुँदा रेनु नेकपा एमालेका उम्मेदवार विजय सुवेदीभन्दा दुई हजार मतले अगाडि छिन् । दाहालको ११ हजार ९० र सुवेदीको ९ हजार ९० मत आएको छ । स्वतन्त्र उम्मेदवार जगन्नाथ पौडेलको ४ हजार ९५८ मत आएको छ । उपमेयरमा चित्रसेन अधिकारीको १३ हजार २४५ र हिमला गुरूङको सात हजार ३७१ मत आएको छ ।
अधिकारी सत्तारूढ गठबन्धनबाट काग्रेसका उम्मेदवार हुन् भने राप्रपाकी हिमलालाई एमालेको समर्थन छ । २९ वटा वडा रहेको भरतपुरमा कुल १ लाख २७ हजार ८३९ मत खसेको छ ।
प्रकाशित : जेष्ठ ४, २०७९ १७:५९प्रतिक्रिया