धनकुटाको सहिदभूमि गाउँपालिकामा एमाले विजयी- स्थानीय तह निर्वाचन २०७९ - कान्तिपुर समाचार

धनकुटाको सहिदभूमि गाउँपालिकामा एमाले विजयी

रमेशचन्द्र अधिकारी

धनकुटा — धनकुटाको सहिदभूमि गाउँपालिकाको अन्तिम मतगणनाअनुसार अध्यक्ष र उपाध्यक्षमा नेकपा एमालेका उम्मेदवार विजयी भएका छन् । 

एमालेबाट अध्यक्ष पदका उमेदवार मनोज राई ४ हजार २ सय १४ मतका साथ विजयी भएका छन् । उनले गठबन्धनका तर्फबाट एकीकृत समाजवादीका उम्मेदवार जितबहादुर राईलाई पराजित गरेका हुन् । पराजित गठबन्धन उम्मेदवार राईले ४ हजार २७ मत प्राप्त गरेको निर्वाचन कार्यालय स्रोतले जनाएको छ ।

यसैगरी उपाध्यक्षमा पनि एमालेकै रत्नश्वरी राई विजयी भएकी छिन् । उनले ४ हजार ६ सय ७२ मत प्राप्त गरिन् । निकटतम प्रतिस्पर्धी गठबन्धनका तर्फबाट नेपाली कांग्रेसका तोर्णबहादुर खड्काले ३ हजार ३ सय ७१ मत प्राप्त गरेका छन् ।

धनकुटाको सहिदभूमि गाउँपालिका-६ स्थित ठाकुरदेवी माध्यमिक विद्यालयका ३ वटा मतदान केन्द्रमा स्थगित भएको मतदान गत सोमबार सम्पन्न भएको थियो । सोही दिन रातिदेखि थालिएको मतगणना आज अपरान्ह सम्पन्न भएको छ । विजयी दुवै अध्यक्ष र उपाध्यक्ष पुनः दोस्रो कार्यकालका लागि सोही पदमा निर्वाचित बनेका हुन् ।

प्रकाशित : जेष्ठ ४, २०७९ १७:४१
प्रतिक्रिया
पठाउनुहोस्

महालक्ष्मी नगरपालिकाको मेयरमा कांग्रेस, उपमेयरमा एमाले विजयी 

रमेशचन्द्र अधिकारी

धनकुटा — धनकुटाको महालक्ष्मी नगरपालिकाको मेयरमा नेपाली कांग्रेसका उम्मेदवार ध्रुवराज राय निर्वाचित भएका छन् ।

अन्तिम नतिजाअनुसार गठबन्धनका तर्फबाट उमेद्वार रायले ६३२८ मत सहित एमालेका उमेद्वार दिपक बुढाथोकीलाई पराजित गरेका हुन् । निकटतम प्रतिस्पर्दी बुढाथोकीले ५१३९ मत प्राप्त गरेका छन् ।

यसैगरी, उपप्रमुख पदमा नेकपा एमालेका उम्मेदवार मञ्जुकुमारी कार्की अधिकारी विजयी भएकी छिन् । उनले ५३८४ मतका साथ निकटतम प्रतिस्पर्दी माओवादी केन्द्रका उमेद्वार प्रेम खड्कालाई पराजित गरेकी हुन् । पराजित खड्काले ४९३४ मत प्राप्त गरेका छन् ।

प्रकाशित : जेष्ठ ३, २०७९ १७:१०
पूरा पढ्नुहोस्
प्रतिक्रिया
पठाउनुहोस्
×