दैलेखको आठबीस नगरपालिकामा एमालेका बडुवाल विजयी- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

दैलेखको आठबीस नगरपालिकामा एमालेका बडुवाल विजयी

ज्योति कटुवाल

काठमाडौँ — दैलेखको आठबीस नगरपालिकाको प्रमुख र उपप्रमुखमा एमाले विजयी भएको छ । एमालेबाट प्रमुखमा तर्कबहादुर बडुवाल विजयी भएका छन् भने उपप्रमुखमा कल्पनाकुमारी थापा विजयी भएकी छन् ।

प्रमुख बडुवालले ५ हजार ३ सय २७ मत ल्याएका छन् भन् उनका प्रतिद्वन्द्वी शाहीले भने ५ हजार ६६ मत प्राप्त गरेका हुन् ।

थापाले ५ हजार १ सय १३ मत प्राप्त गरिन् भने उनकी प्रतिद्वन्द्वी नेपाली कांग्रेसकी निशा थापाले ४ हजार ९ सय ६५ मत ल्याएर पराजित भएकी हुन् । साथै, नेकपा एमालेबाट आठबीस नगरपालिकाको वडा नम्बर १ मा बमबहादुर रावत, २ मा कलम कामी, ४ मा टेकबहादुर माझी, ६ मा नवराज शर्मा र ८ मा अदल शाही विजयी भएका छन् ।

यस्तै, नेपाली कांग्रेसले ३ वडा जितेको छ । वडा नम्बर ३ मा नगेन्द्रराज कार्की, ५ मा बजर सिंह विक, ७ मा जैसिंह कठायत र ९ मा शेरबहादुर सिजापती विजयी भएका छन् ।

प्रकाशित : जेष्ठ ४, २०७९ १६:०४
प्रतिक्रिया
पठाउनुहोस्

बुटवलमा बम बिस्फोट गराउने ३ जना पक्राउ

अमृता अनमोल

बुटवल — बुटवलमा प्रेसर कुकर बम विस्फोट गराएको आरोपमा प्रहरीले ३ जनालाई पक्राउ गरेको छ । पक्राउ पर्नेमा नेकपा माओवादीका केन्द्रीय महासचिव सुरेश खनाल, केन्द्रीय सदस्य फणिन्द्र गर्तौला, गोर्खा जिल्ला इन्चार्ज शुक्रकुमार श्रेष्ठ रहेको इलाका प्रहरी कार्यालय बुटवलका प्रहरी प्रमुख ठगबहादुर केसीले बताए ।

उनीहरुले वैशाख २८ गते साँझ ८ बजे बुटवल–९ मिलनचोकमा रहेको आकाशे पुल तल प्रेसर बम विस्फोट गराएको प्रहरीको दाबी छ ।

इलाका प्रहरी कार्यालय बुटवलले पत्रकार सम्मलेन गरेर उनीहरुलाई सार्वजनिक समेत गरेको छ । अभियुक्तहरुलाई जेठ १ गते बुटवलको नयाँ गाउँबाट पक्राउ गरिएको थियो । उनीहरुको साथबाट प्रहरीले मोटरसाइकल ३ वटा, कुकर २ थान, मोबाइल ३ थान, बम बनाउन प्रयोग गरिने केही सामाग्री समेत बरामद गरेको छ । साथै, नेपाल बन्द सफल पारौं, चुनावलाई बहिस्कार गरौं जस्ता लेखिएको पम्लेटसमेत फेला परेको प्रहरीले जनाएको छ ।

उनीहरूलाई मुलुकी अपराध संहिता २०७४ को परिच्छेद ७ विस्फोटक पदार्थ सम्बन्धि कसुरमा मुद्दा दायर गरी थप अनुसन्धान अघि बढेको प्रहरी प्रमुख केसीले बताए ।

प्रकाशित : जेष्ठ ४, २०७९ १५:५०
पूरा पढ्नुहोस्
प्रतिक्रिया
पठाउनुहोस्
x
×