केराबारी गाउँपालिका अध्यक्षमा सुमन र उपाध्यक्षमा मनमाया निर्वाचित- स्थानीय तह निर्वाचन २०७९ - कान्तिपुर समाचार

केराबारी गाउँपालिका अध्यक्षमा सुमन र उपाध्यक्षमा मनमाया निर्वाचित

देवनारायण साह

मोरङ — मोरङको केराबारी गाउँपालिका अध्यक्षमा एमालेका सुमन मिरिङचिङ मगर र उपाध्यक्षमा एमालेकी मनमाया मगर निर्वाचित भएका छन् । सुमनले कांग्रेसबाट निर्वाचित निवर्तमान गाउँपालिका अध्यक्ष रोहितबहादुर कार्कीलाई १ हजार ४ सय २० मतको अन्तरले पराजित गरेका हुन् ।

केराबारी गाउँपालिकाका निर्वाचन अधिकृत भानुभक्त न्यौपानेका अनुसार अध्यक्षमा सुमनले ७ हजार ८ सय १० मत र मनमायाले उपाध्यक्षमा ६ हजार ४ सय २८ मत ल्याएर निर्वाचित भएका हुन् ।

गाउँपालिका अध्यक्षमा कांग्रेसका कार्कीले ६ हजार ३ सय ९० मत प्राप्त गरेका छन् । उपाध्यक्षमा कांग्रेसकी सुभद्रा राईले ६ हजार ४ सय २८ मत ल्याएर निकटतम प्रतिद्वन्द्वी भइन् ।

उक्त गाउँपालिकामा २०७४ सालको स्थानीय तह निर्वाचनमा कांग्रेसका कार्कीले अध्यक्षमा ५ हजार ४ सय ९९ र उपाध्यक्षमा एमालेकी शान्तिकुमारी लिम्बूले ५ हजार ७ सय ४७ मत ल्याएर जितेका थिए ।

१० वडा रहेको केराबारीमा कांग्रेसले वडा नम्बरहरू ४, ८ र ९, माओवादी केन्द्रले वडा नम्बर ६ र एमालेले नम्बरहरू १, २, ३, ५, ७ र १० को अध्यक्ष जितेका छन् ।

प्रकाशित : जेष्ठ ४, २०७९ ०७:४२
प्रतिक्रिया
पठाउनुहोस्

मोरङको कटहरी गाउँपालिका अध्यक्षमा कांग्रेसका चौधरी निर्वाचित

देवनारायण साह

मोरङ — मोरङको कटहरी गाउँपालिका अध्यक्षमा कांग्रेसका देवराज चौधरी र उपाध्यक्षमा एमालेकी सितादेवी राजवंशी निर्वाचित भएका छन् । गाउँपालिका अध्यक्षमा कांग्रेसले निरन्तरता पाएको हो ।  एमालेका उम्मेदवार शुभाषकुमार सरदारलाई ९ सय ८३ मतान्तरले पछि पार्दै चाैधरी अध्यक्षमा निर्वाचित भएका हुन् ।

कटहरी गाउँपालिकाका निर्वाचन अधिकृत होमनाथ भट्टराईका अनुसार अध्यक्षमा चौधरीले ६ हजार ५ सय ६५ मत र राजवंशीले उपाध्यक्षमा ५ हजार ८ सय ४८ मत ल्याएर निर्वाचित भएका हुन् । गाउँपालिका अध्यक्षमा एमालेका उम्मेदवार सरदारले ५ हजार ६ सय ८२ मत प्राप्त गरेका छन् । उपाध्यक्षमा निवर्तमान उपाध्यक्ष मन्जिताकुमारी सरदार पराजित भएकी हुन् । उनलाई एमालेकी राजवंशीले १ सय ४३ मतान्तरले पराजित गरेकी हुन् । मन्जिताले ५ हजार ७ सय ५ मत प्राप्त गरेको निर्वाचन अधिकृत भट्टराईले बताए।

उक्त गाउँपालिकामा २०७४ को स्थानीय तह निर्वाचनमा कांग्रेसका रामकुमार कामतले अध्यक्षमा ४ हजार ५ सय ६ र उपाध्यक्षमा मन्जिताले ४ हजार ४ सय ९४ मत ल्याएर जितेका थिए । ७ वडा रहेको कटहरीमा कांग्रेसले वडा नम्बर ३ र जनता समाजवादी पार्टीले वडा नम्बर ४ जितेका छन् । एमालेले १, २, ५, ६ र ७ गरी ५ वडा जितेको छ ।

प्रकाशित : जेष्ठ ४, २०७९ ०६:५१
पूरा पढ्नुहोस्
प्रतिक्रिया
पठाउनुहोस्
×