गैंडाकोटको मेयर चुनिए कांग्रेसका मदनभक्त अधिकारी, उपमेयरमा शान्ति कोइराला   - स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

गैंडाकोटको मेयर चुनिए कांग्रेसका मदनभक्त अधिकारी, उपमेयरमा शान्ति कोइराला   

नारायण शर्मा

पूर्वी नवलपरासी — पूर्वी नवलपरासीको गैंडाकोट नगरपालिकामा नेपाली कांग्रेसले मेयर र उपमेयरसहित बहुमत वडा जितेको छ । निर्वाचन कार्यालयका अनुसार त्यहाँ मेयरका रुपमा मदनभक्त अधिकारीले १६ हजार ४ सय ५५ मत पाएका छन् । उनका प्रतिस्पर्धी एमालेका छत्रराज पौडेलले १३ हजार ६ सय ६ मत पाएका थिए । 

त्यसैगरी कांग्रेसबाट निर्वाचित उपमेयर शान्ति कोइरालाले १६ हजार १ सय १४ र उनका प्रतिस्पर्धी राप्रपाका तुलाराम पौडेलले ८ हजार ६ सय ४० मत पाएका छन् । गैंडाकोटमा बहुमत वडा कांग्रेसले जितेको छ । मेयरमा निर्वाचित मदनभक्त अधिकारी पञ्चायतकालमा लगातार २५ वर्षसम्म गैंडाकोटमा प्रधानपञ्चमा निर्वाचित ब्यक्ति हुन् । उनी कांग्रेसका किसान नेता स्वर्गीय सूर्यभक्त अधिकारीका छोरा हुन् ।


प्रकाशित : जेष्ठ ४, २०७९ ०७:११
प्रतिक्रिया
पठाउनुहोस्

देवचुली नगरपालिकामा एमालेका न्यौपाने विजयी

नारायण शर्मा

पूर्वी नवलपरासी — देबचुली नगरपालिकाको मेयरमा एमालेका हरिप्रसाद न्यौपाने विजयी भएका छन् । उनले १० हजार ८०८ मत प्राप्त गरे ।

उनका निकटतम प्रतिद्वन्द्वी गठबन्धनकातर्फबाट कांग्रेसका उम्मेदवार अशोक बस्ताकोटीले ८ हजार ८६३ मत ल्याए ।

उपाध्यक्षमा एमालेकी पार्वता तिवारी निर्वाचित भइन् । उनले १० हजार ९३२ मत प्राप्त गरिन् । उनकी प्रतिस्पर्धी सत्यनारायण भुसालले ६ हजार ६५४ मत ल्याए ।

प्रकाशित : जेष्ठ ३, २०७९ २०:०१
पूरा पढ्नुहोस्
प्रतिक्रिया
पठाउनुहोस्
×