बर्दियाको मधुवन नगरपालिकामा कांग्रेस निर्वाचित- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

बर्दियाको मधुवन नगरपालिकामा कांग्रेस निर्वाचित

कमल पन्थी

बर्दिया — मधुवन नगरपालिकामा कांग्रेसबाट प्रमुख पदमा उम्मेदवारी दिएका तेजबहादुर भाट निर्वाचित भएका छन् । उनले माओवादी केन्द्रका लक्ष्मीप्रसाद शर्मालाई ८ सय ४४ मतान्तरले पराजित गरेका छन् ।


कांग्रेसका भाटले ८ हजार ७ सय ७५ मत प्राप्त गरेका छन् । उनका प्रतिद्वन्द्वी माओवादी केन्द्रका शर्माले ७ हजार ९ सय ३१ मत प्राप्त गरेका छन् ।

कांग्रेसकी उपप्रमुखकी उम्मेदवार अनिता चौधरीले ८ हजार ३ सय ५५ मत प्राप्त गरी विजयी भएकी छिन् । उनका प्रतिद्वन्द्वी माओवादी केन्द्रबाट उपप्रमुखकी उम्मेदवार सुभद्रा थारुले ७ हजार ८ सय ९९ मत पाएकी छिन् ।एमालेकी धर्मराज थापाले ६ हजार ७२ मत प्राप्त गरेका छन् ।

उपप्रमुखकी उम्मेदवार सम्झना विकले ५ हजार ४ सय २२ मत प्राप्त गरेकी छिन् । ०७४ को पालिका निर्वाचनमा मधुवनमा माओवादी केन्द्रका प्रमुख,उपप्रमुख निर्वाचित भएका थिए ।

प्रकाशित : जेष्ठ ३, २०७९ २०:०९
प्रतिक्रिया
पठाउनुहोस्

निर्वाचितलाई पुनः पराजित भनेपछि बर्दियाको गुलरियामा विवाद

कमल पन्थी

बर्दिया — गुलरिया नगरपालिका ४ का अजमेर अली नाउ एमालेबाट खुल्ला सदस्य पदमा निर्वाचित भएको निर्वाचन अधिकृतको कार्यालयले घोषणा गर्‍यो । घोषणालगत्तै उनका समर्थकले खुसियाली मनाउँदै र्‍याली निकाले ।

घोषणा गरेको ४ घण्टापछि उनी पराजय भएको सूचना निर्वाचन कार्यालयले पुनः सार्वजनिक गर्‍यो । आइतबार बेलुकी निर्वाचित घोषित अजमेर ४ मतले पराजित भएको घोषणापछि एमाले समर्थक आक्रोशित भएका छन् । ‘कांग्रेसका इस्राइल नाउलाई १ हजार १ सय ४६ मतले निर्वाचित गराइयो‚’ अजमेरले गुनासो पोखे । म पराजित भएको भए मलाई किन निर्वाचित भनियो, ‘उनले भने‚ ‘यो धाँधली हो । धाँधली गरेर कांग्रेसलाई निर्वाचित गराइयो ।’ उनले आफ्नो बेइजति गराइएको भन्दै मतगणना गर्ने कर्मचारीले गम्भीर लापरबाही गरेको आरोप लगाए । उनले मतगणकहरूमाथि छानबिन गरी कारबाही हुनुपर्ने भन्दै आक्रोश पोखे ।

नेकपा एमाले र नेकपा माओवादी केन्द्रले मतगणनामा धाँधली भएको भन्दै मतगणना कार्य केहीबेर रोकेका थिए । वडा नम्बर ८ को मतपेटिका खोलिएकाले मतगणना गर्न दिने सहमति भएको छ । माओवादीका मेयरका उम्मेदवार गेहेन्द्र ढकालले जबसम्म पुनः मतगणना हुँदैन तबसम्म वडा नम्बर ९ देखि १२ वडासम्मको मतगणना गर्नु नहुने बताएका छन् । यो व्यवस्थापनका कमीकमजोरी भएको उनले जनाए ।

मतगणनास्थलमा गुलरिया नगरपालिकाका कर्मचारी फेरिनुपर्ने एमालेले माग गरेको छ ।

प्रकाशित : जेष्ठ २, २०७९ १५:१८
पूरा पढ्नुहोस्
प्रतिक्रिया
पठाउनुहोस्
×