कान्तिपुर वेबसाईट
AdvertisementAdvertisement
२६.१२°C काठमाडौं
काठमाडौंमा वायुको गुणस्तर: १२२

सर्केगाड गाउँपालिका अध्यक्षमा कांग्रेसका रोकाया विजयी

छपाल लामा

हुम्ला — हुम्लाको दक्षिण भेगको सर्केगार्ड गाउँपालिकाको अध्यक्षमा नेपाली कांग्रेसका ठानबहादुर रोकाया निर्वाचित भएका छन् ।

सर्केगाड गाउँपालिका अध्यक्षमा कांग्रेसका रोकाया विजयी

उनी गठबन्धन दलका तर्फबाट निर्वाचित भएका हुन् । सर्केगार्ड गाउँपालिकाका सहायक निर्वाचन अधिकृत मोहन गिरीका अनुसार गाउँपालिका अध्यक्ष पदमा निर्वाचित रोकायाले ३ हजार ५ सय ४३ मत ल्याए । उनका निकटतम प्रतिस्पर्धी नेकपा एमालेका ज्ञामी बुमीले ९ सय ९७ मत ल्याएका थिए ।

त्यसैगरी उपाध्यक्ष पदमा गठबन्धन दलकै चन्द्रसिंह कार्कीले ३ हजार २ सय ८२ मत ल्याएका छन् । उनका निकटतम प्रतिस्पर्धी एमालेका जुनकुरा कार्कीले १ हजार ६४ मत प्राप्त गरेकी थिइन् । यसैगरी ८ वटा वडा रहेको सर्केगार्ड गाउँपालिका १ मा बल कार्की र ६ नम्बर वडामा पदम बहादुर शाही एमालेबाट विजयी भएका छन् ।

वडा नम्बर ८ मा रत्नमल रोकाया, २ मा सिद्ध कार्की र ४ मा धनमल छत्याल नेकपा माओवादी केन्द्रबाट विजयी भएका हुन् । त्यसैगरी वडा नम्बर ७ मा बल खत्री र ५ मादल बहादुर सिंह नेपाली कांग्रेसबाट निर्वाचित भएका छन् ।

यता वडा नम्बर ३ मा भने अकिल कार्की स्वतन्त्रबाट निर्वाचित भएका छन् ।


प्रकाशित : जेष्ठ ३, २०७९ १८:५१
प्रतिक्रिया
पठाउनुहोस्
जनताको राय

प्रतिनिधिसभामा प्रधानमन्त्रीको सम्बोधनकै दिन शीर्ष नेता र सांसदहरूको उल्लेख्य अनुपस्थिति रहनुलाई के भन्नुहुन्छ ?

x