हुम्लाको सिमकोट गाउँपालिका अध्यक्ष र उपाध्यक्षमा गठबन्धनका उम्मेदवार निर्वाचित

निर्वाचन आयोगका अनुसार स्थानीय तह निर्वाचन २०७९ अन्तर्गत सिमकोट गाउँपालिका प्रमुखमा नेपाल कम्युनिष्ट पार्टी (माओवादी केन्द्र) का उम्मेदवार भण्डारी २ हजार ८ सय ८२ मत ल्याई विजयी भए । उनले निकटतम प्रतिद्वन्द्वी नेपाल कम्युनिष्ट पार्टी (एमाले) का उम्मेदवार महेन्द्रबहादुर शाहीलाई ९ सय १३ मतान्तरले पराजित गरे । पराजित महेन्द्रबहादुर शाहीले १ हजार ९ सय ६९ मत ल्याए ।

उपाध्यक्षमा विजयी रोकायाले २ हजार ४ सय ६४ मत प्राप्त गरेकी छन् । उनकी प्रतिद्वन्द्वी एमालेकी प्रतिमा लामाले १ हजार ४ सय ५६ मत प्राप्त गरेकी छन् ।