बलेफीमा माओवादीका तामाङ विजयी- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

बलेफीमा माओवादीका तामाङ विजयी

अनिश तिवारी

काठमाडौँ — सिन्धुपाल्चोकको बलेफी गाउँपालिकाको अध्यक्षमा सत्ता गठबन्धनको तर्फबाट माओवादी केन्द्रका गंगाबहादुर तामाङ ४६६६ मतसहित निर्वाचित भएका छन् ।

उनका निकटतम प्रतिस्पर्धी कांग्रेसका उम्मेदवार सुवास तिमिल्सनाले ४१०५ मत ल्याएका थिए । यस्तै उपाध्यक्षमा कांग्रेसबाट सरु लामा तामाङ ४३९४ मत ल्याएर विजयी भएकी छन् । यसपटक माओवादी केन्द्र–एकीकृत समाजवादीको गठबन्धनबाट अध्यक्षमा निर्वाचित भएका तामाङ ०७४ को स्थानीय निर्वाचनमा पनि सोही पदमा उम्मेदवार भएर पराजित बनेका थिए ।

बलेफी गाउँपालिकामा कुल जनसंख्या १६,४६५ छ भने कुल मतदाता संख्या १६,८९३ रहेको छ । जसमा ८,६५३ पुरुष र ८,२४० महिला रहेका छन् । यस गाउँपालिकामा ८ वटा वडा छन् ।

प्रकाशित : जेष्ठ ३, २०७९ १०:१६
प्रतिक्रिया
पठाउनुहोस्

प्यूठान स्वर्गद्वारी नगर प्रमुखमा कांग्रेस र उपप्रमुखमा जनमोर्चा उम्मेदवार विजयी 

कान्तिपुर संवाददाता

प्यूठान — प्यूठान स्वर्गद्वारी नगरपालिका प्रमुखमा कांग्रेसका टेकप्रसाद भण्डारी विजयी भएका छन् । मंगलबार बिहान सकिएको मतगणनामा ७ हजार ७ सय २६ मत ल्याउँदै भण्डारी नगरपालिकाको मेयर चुनिएका हुन् ।

उनका प्रतिस्पर्धी एमालेका रामप्रसाद श्रेष्ठले ५ हजार १ सय ५२ मत ल्याए । यस्तै नगरपालिका उपप्रमुखमा राष्ट्रिय जनमोर्चाका मीनराज रानामगर विजयी भएका छन् । ७ हजार ३ सय ७७ मत ल्याउँदै रानामगर विजयी भएका हुन् । उनका प्रतिस्पर्धी एमालेकी गौरी बरापातेले ५ हजार २६ मत ल्याइन् ।

नगरपालिकाको वडा नम्बर १ मा गठबन्धनका मेघराज जिसी, वडा नम्बर २ मा गठबन्धनकै बुद्धिराम पुन, ३ मा एमालेका कृष्ण बहादुर रोकाय, ४ मा गठबन्धनका सुवर्णकुमार श्रेष्ठ, ५ मा गठबनधनका गिरबहादुर घर्तिमगर विजयी भए । त्यस्तै वडा नम्बर ७ मा स्वतन्त्र उमेदवार सुरज जिएम, ८ मा गठबन्धनका खोप बहादुर राउत, ९ मा एमालेका नर बहादुर बिएम विजयी भए ।


प्रकाशित : जेष्ठ ३, २०७९ १०:१४
पूरा पढ्नुहोस्
प्रतिक्रिया
पठाउनुहोस्
×