१९.१२°C काठमाडौं
संखुवासभा पाँचखपन नगरपालिका प्रमुखमा कांग्रेस र उपप्रमुखमा एकीकृत समाजवादी विजयी
संखुवासभा — संखुवासभाको पाँचखपन नगरपालिका प्रमुखमा कांग्रेसका विपीन राई विजयी भएका छन् भने उपप्रमुखमा एकीकृत समाजवादीकी सुमुना श्रेष्ठ विजयी भएकी छन् ।
प्रमुख राईले ४ हजार ७ सय ८८ मत ल्याए । उपप्रमुखमा श्रेष्ठले ३ हजार ८ सय ३४ मत प्राप्त गरेको निर्वाचन अधिकृतको कार्यालयले जनाएको छ ।
उनीहरू सत्ता गठबन्धनका उम्मेदवार थिए । प्रमुखका प्रतिस्पर्धी एमालेका हिन्दुकुमार राईले ३ हजार ४ सय ३७ मत ल्याए । उपप्रमुखमा एमालेका अनिता न्यौपानेले ३ हजार ४ सय ८७ मत प्राप्त गरिन् ।
२०७४ को स्थानीय तह निर्वाचनमा यहाँ प्रमुखमा कांग्रेसका विपीन राईले जितेका थिए । उपप्रमुखमा एमालेले जितेको थियो ।
प्रतिक्रिया
