अछामको मेल्लेखमा एमाले-समाजवादीलाई पराजित गर्दै माओवादी-कांग्रेस गठबन्धन विजयी- स्थानीय तह निर्वाचन २०७९ - कान्तिपुर समाचार

अछामको मेल्लेखमा एमाले-समाजवादीलाई पराजित गर्दै माओवादी-कांग्रेस गठबन्धन विजयी

मेनुका ढुंगाना

अछाम — अछामको मेल्लेख गाउँपालिकामा माओवादी केन्द्र र नेपाली कांग्रेस गठबन्धनका उम्मेदवार विजयी भएका छन् । मेल्लेख गाउँपालिकाको अध्यक्षमा माओवादी केन्द्रका ज्वाला साउद र उपाध्यक्षमा कांग्रेसका नृपबहादुर खड्का निर्वाचित भएका हुन् ।

ज्वालाले ५ हजार १ सय ४४ मत प्राप्त गरेर निर्वाचित भए भने उनका निकटतम प्रतिद्वन्द्वी एमालेका भीमबहादुर साउदले ४ हजार १ सय ८४ मत प्राप्त गरेका थिए । यसैगरी उपाध्यक्षमा नृपबहादुर खड्काले ४ हजार ४ सय ८४ मत प्राप्त गरेका छन् । उनका प्रतिद्वन्द्वी समाजवादीकी समिताकुमारी महरले ३ हजार ८ सय ६८ मत प्राप्त गरेकी छिन् । मेल्लेखमा एमाले-समाजवादी र कांग्रेस- माओवादीबीच गठबन्धन भएको थियो ।

८ वडा रहेको मेल्लेखमा ३ वटा वडा एमालेले, २ कांग्रेस, १ माओवादी, १ समाजवादी र १ स्वतन्त्रले जितेका छन् । वडा नम्बर १ मा माओवादीका दिलबहादुर धामी, वडा नम्बर २ मा एमालेका कुशलराज बुढा, वडा नम्बर ३ मा एमालेका नौले रावल, वडा नम्बर ४ मा स्वतन्त्र चन्द्रबहादुर साउद, वडा नम्बर ५ मा कांग्रेसका प्रकाश अधिकारी, वडा नम्बर ६ मा समाजवादीका तिलकबहादुर कडायत , वडा नम्बर ७ मा एमालेका प्रेम महर र वडा नम्बर ८ मा कांग्रेसका महेश ठकुल्लाले जितेका छन् ।


प्रकाशित : जेष्ठ ३, २०७९ ०७:५३
प्रतिक्रिया
पठाउनुहोस्

रामारोशनको अध्यक्षमा कांग्रेस, उपाध्यक्षमा माओवादी विजयी

मेनुका ढुंगाना

अछाम — अछामको रामारोशन गाउँपालिकाको अध्यक्षमा नेपाली कांग्रेसका मानबहादुर साउद निर्वाचित भएका छन्। साउद ३ हजार १२७ मतमा साथ विजयी भएका हुन्।

उनका निकटतम प्रतिद्वन्द्वी माओवादी केन्द्रका पहलबहादुर साउदले २ हजार ८९७ मत प्राप्त गरेका छन्। यसैगरी नेकपा एमालेका चक्र रावलले २ हजार ७ सय ९७ मत पाएका छन्।

उपाध्यक्षमा भने माओवादी केन्द्रका सिर्जना बुढा विजयी भएकी छन्। उनी ३ हजार २८ मतका साथ विजयी भएकी हुन। निकटतम प्रतिद्वन्द्वी नेकपा एमालेका बसन्ती साउदले २ हजार २२८ मत प्रात गरेकी छन्। त्यसैगरी समाजवादीका ताराप्रसाद खनालले २ हजार १६२ मत प्राप्त गरेका छन्।

७ वडा रहेको रामारोशनमा ३ माओवादी,२ एमाले, २ कांग्रेसले जितेका छन्। वडा नं १ मा माओवादी केन्द्रका चक्रबहादुर साउद, वडा नं २ मा माओवादी केन्द्रका मीबहादुर परियार, वडा नं ३ मा कांग्रेसका गणेश साउद, वडा नं ४ मा एमालेका तर्कराज उपाध्याय, वडा नं ५ मा कांग्रेसका केशरबहादुर साउद, वडा नं ६ मा माओवादीका सुशील साउद र वडा नं ७ मा एमालेका तप्तबहादुर भण्डारीले जितेका छन्।

रामारोशनमा समाजवादी र कांग्रेसबीच गठबन्धन भएको थियो। रामारोशन गाउँपालिका माओवादीको 'लालकिल्ला' भनेर चिनिन्छि। यसअघिको निर्वाचनमा पालिका अध्यक्ष र उपाध्यक्ष दुवै माओवादीले जितेको थियो।

प्रकाशित : जेष्ठ २, २०७९ १७:१७
पूरा पढ्नुहोस्
प्रतिक्रिया
पठाउनुहोस्
x
×