दाङको बबई गाउँपालिकामा कांग्रेसका उम्मेदवार विजयी- स्थानीय तह निर्वाचन २०७९ - कान्तिपुर समाचार

दाङको बबई गाउँपालिकामा कांग्रेसका उम्मेदवार विजयी

दुर्गालाल केसी

दाङ — बबई गाउँपालिकाको अध्यक्ष र उपाध्यक्षमा कांग्रेस उम्मेदवारले विजय हासिल गरेका छन् । बबई गाउँपालिका अध्यक्षमा कांग्रेसका उम्मेदवार कूलबहादुर खत्री क्षेत्री १ हजार ७७ मतान्तरले विजयी भएका हुन् । उनले ६ हजार ६ सय १५ मत प्राप्त गरेका छन् भने उनका निकटतम प्रतिस्पर्धी एमालेका भुवनेश्वर पौडेलले ५ हजार ५ सय ३८ मत प्राप्त गरे ।

माओवादी केन्द्रका भीमबहादुर वलीले २ हजार २८ मत प्राप्त गरेका छन् । २०७४ को निर्वाचनमा बबईमा अध्यक्ष र उपाध्यक्ष एमालेले जितेको थियो । उपाध्यक्षमा कांग्रेसकै बमकुमारी खड्का ९ सय ८६ मतान्तरले विजयी भएकी छिन् । उनले ६ हजार ४ सय मत प्राप्त गरेकी छिन् भने निकटतम प्रतिस्पर्धी एमालेकी सावित्री विश्वकर्माले ५ हजार ४ सय १४ मत प्राप्त गरेकी छिन् । माओवादी केन्द्रकी अञ्जु घर्तीले २ हजार २ सय ५६ मत प्राप्त गरिन् ।

कांग्रेसले चार र एमालेले तीन वडा जितेको छ । कांग्रेसले २, ५, ६ र ७ नम्बर वडा तथा एमालेले १, ३, ४ नम्बरमा वडाध्यक्ष जितेको छ । बबईमा २२ हजार १ सय ४४ मतदाता रहेकोमा १५ हजार ४ सय २४ मत खसेको थियो ।

प्रकाशित : जेष्ठ ३, २०७९ ०७:०८
प्रतिक्रिया
पठाउनुहोस्

दाङको दंगीशरण गाउँपालिकामा कांग्रेसका गिरी विजयी 

दुर्गालाल केसी

दाङ — दंगीशरण गाउँपालिका अध्यक्षमा कांग्रेसका उम्मेदवार विजयी भएका छन् । कांग्रेसका शम्भु गिरी १ हजार ४ सय १८ मतान्तरले विजयी भएका हुन् ।  उनले ५ हजार ४ सय ६७ मत प्राप्त गरेका छन् भने उनका निकटतम प्रतिस्पर्धी एमालेका मेघनाथ शाहले ४ हजार ४९ मत प्राप्त गरेका छन् । माओवादी केन्द्रका मनिराम चौधरीले १ हजार ७ सय ८३ मत प्राप्त गरेका छन् । २०७४ को निर्वाचनमा दंगिशरणमा अध्यक्ष एमालेले जितेको थियो ।


उपाध्यक्षमा कांग्रेसकै पिमाकुमारी वली २ सय ६८ मतान्तरले विजयी भएकी छिन् । उनी २०७४ को निर्वाचनमा पनि उपाध्यक्षमा निर्वाचित भएकी थिइन् । उनले ४ हजार ५ सय ७९ मत प्राप्त गरेकी छिन् भने निकटतम प्रतिस्पर्धी एमालेकी बुधनी चौधरीले ४ हजार ३ सय ११ मत प्राप्त गरेकी छिन् । माओवादी केन्द्रकी निर्मला वलीले १ हजार ८ सय ४६ मत प्राप्त गरेकी छिन् । एमालेले चार र कांग्रेसले तीन वडा जितेको छ । एमालेले २, ४, ५ र ७ नम्बर वडा तथा कांग्रेसले १, ३ र ६ नम्बर वडा जितेको छ । २०७४ मा तीन वडा जितेको माओवादी यसपटक शून्य भएको छ । दंगीशरणमा १८ हजार १ सय ६ मतदाता रहेकोमा १३ हजार ८७ मत खसेको थियो ।



प्रकाशित : जेष्ठ ३, २०७९ ०६:४३
पूरा पढ्नुहोस्
प्रतिक्रिया
पठाउनुहोस्
×