दाङको दंगीशरण गाउँपालिकामा कांग्रेसका गिरी विजयी - स्थानीय तह निर्वाचन २०७९ - कान्तिपुर समाचार

दाङको दंगीशरण गाउँपालिकामा कांग्रेसका गिरी विजयी 

दुर्गालाल केसी

दाङ — दंगीशरण गाउँपालिका अध्यक्षमा कांग्रेसका उम्मेदवार विजयी भएका छन् । कांग्रेसका शम्भु गिरी १ हजार ४ सय १८ मतान्तरले विजयी भएका हुन् ।  उनले ५ हजार ४ सय ६७ मत प्राप्त गरेका छन् भने उनका निकटतम प्रतिस्पर्धी एमालेका मेघनाथ शाहले ४ हजार ४९ मत प्राप्त गरेका छन् । माओवादी केन्द्रका मनिराम चौधरीले १ हजार ७ सय ८३ मत प्राप्त गरेका छन् । २०७४ को निर्वाचनमा दंगिशरणमा अध्यक्ष एमालेले जितेको थियो ।


उपाध्यक्षमा कांग्रेसकै पिमाकुमारी वली २ सय ६८ मतान्तरले विजयी भएकी छिन् । उनी २०७४ को निर्वाचनमा पनि उपाध्यक्षमा निर्वाचित भएकी थिइन् । उनले ४ हजार ५ सय ७९ मत प्राप्त गरेकी छिन् भने निकटतम प्रतिस्पर्धी एमालेकी बुधनी चौधरीले ४ हजार ३ सय ११ मत प्राप्त गरेकी छिन् । माओवादी केन्द्रकी निर्मला वलीले १ हजार ८ सय ४६ मत प्राप्त गरेकी छिन् । एमालेले चार र कांग्रेसले तीन वडा जितेको छ । एमालेले २, ४, ५ र ७ नम्बर वडा तथा कांग्रेसले १, ३ र ६ नम्बर वडा जितेको छ । २०७४ मा तीन वडा जितेको माओवादी यसपटक शून्य भएको छ । दंगीशरणमा १८ हजार १ सय ६ मतदाता रहेकोमा १३ हजार ८७ मत खसेको थियो ।



प्रकाशित : जेष्ठ ३, २०७९ ०६:४३
प्रतिक्रिया
पठाउनुहोस्

दाङको राजपुर गाउँपालिकामा कांग्रेस विजयी

दुर्गालाल केसी

दाङ — राजपुर गाउँपालिका अध्यक्षमा नेपाली कांग्रेसका शरद बुढाथोकी विजयी भएका छन् । अध्यक्षमा बुढाथोकी ३ हजार ९ सय ८० मत ल्याई विजयी भएका हुन् । उनका निकटतम प्रतिस्पर्धी नेकपा माओवादी केन्द्रका चक्रबहादुर खड्काले ३ हजार १ सय ६७ मत प्राप्त गरेका छन् ।

एमालेका कुलराज गिरीले २ हजार ९ सय २२ मत प्राप्त गरेका छन् । उपाध्यक्षमा धनपतीदेवी यादव ३ हजार ८ सय ३६ मत ल्याई विजयी भएकी छन् । उनी २०७४ मा पनि उपाध्यक्षमा निर्वाचित भएकी थिइन् ।

उनका निकटतम प्रतिस्पर्धी माओवादी केन्द्रकी पुष्पा यादवले ३ हजार ३ सय ४८ मत प्राप्त गरेकी छन् भने एमालेकी सीता यादवले २ हजार ९ सय ७ मत प्राप्त गरेकी छन् ।

राजपुरमा सात वडामध्ये एमालेले १ र ५, कांग्रेसले २ र ४ तथा माओवादी केन्द्र ३, ६ र ७ वडा जितेका छन् । २०७४ मा ४ वडा जितेको कांग्रेसले अहिले २ वडा जितेको छ भने ३ वटा वडा जितेको माओवादी केन्द्रले अहिले पनि ३ वटै वडा जितेको र यसअघि एउटा वडा पनि नजितेको एमालेले अहिले दुई वडा जितेको छ ।

प्रकाशित : जेष्ठ २, २०७९ १५:५१
पूरा पढ्नुहोस्
प्रतिक्रिया
पठाउनुहोस्
×