बाराको करैयामाईमा जसपा विजयी
काठमाडौँ — स्थानीय तह निर्वाचनमा बाराको करैयामाई गाउँपालिकामा जनता समाजवादी पार्टी विजयी भएको छ । यस गाउँपालिकाको प्रमुखमा जनता समाजवादी पार्टी, नेपालका उम्मेदवार शम्भुप्रसाद यादव विजयी भएका हुन् । यादवले ५,५९८ मत ल्याई विजयी भएका छन् ।
उनले निकटतम प्रतिद्वन्द्वी नेपाली कांग्रेस उम्मेदवार भुनेश्वर धामीलाई २,१९८ मतान्तरले पराजित गरेका हुन् । पराजित भुनेश्वर धामीले ३,४०० मत ल्याएका छन् ।
यस्तै उपाध्यक्षमा ५ हजार ४३९ मतसहित सुनैनाकुमारी चौधरी विजयी भएकी छन् भने उनकी प्रतिद्वन्द्वी नेपाली कांग्रेसकी चित्ररेखाकुमारी चौधरीले ३ हजार १ सय७२ मत ल्याएकी छन् ।
प्रकाशित : जेष्ठ ३, २०७९ ०३:०३प्रतिक्रिया