धनकुटाको पाख्रिबास प्रमुखमा कांग्रेस र उपप्रमुखमा एमाले विजयी- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

धनकुटाको पाख्रिबास प्रमुखमा कांग्रेस र उपप्रमुखमा एमाले विजयी

रमेशचन्द्र अधिकारी

धनकुटा — धनकुटाको पाख्रिबास नगरपालिकामा गठबन्धनका तर्फबाट नेपाली कांग्रेसका उम्मेदवार ज्ञानबहादुर गुरुङ विजयी भएका छन् । उनले ५ हजार ४९८ मत प्राप्त गरी जितेका हुन् । गुरुङले एमालेका उम्मेदवार भीमबहादुर राईलाई पराजित गरेका छन् । राईले ५ हजार ०५३ मत प्राप्त गरेको निर्वाचन कार्यालयले जनाएको छ । 

यस्तै उपप्रमुखमा एमालेका उम्मेदवार नम्रता देउजा विजयी भएकी छन् । उनले ५ हजार ६२ मत प्राप्त गरी विजयी भएकी हुन् । निकटतम प्रतिस्पर्धी गठबन्धनबाट माओवादी केन्द्रका उम्मेदवार ओमप्रकाश निरौलाले ४ हजार ६४१ मत प्राप्त गरे । २, ३, ७, ९ र १० नं वडाध्यक्ष एमालेका उम्मेदवार विजयी भएका छन् । १, ४, ५, ६ र ८ वडा गठबन्धनका उम्मेदवार विजयी भएको निर्वाचन कार्यालयले जनाएको छ ।

पाख्रिबास नगरपालिकामा यसअघि प्रमुख, उपप्रमुखसहित सबै १० वटै वडामा एमालेले 'क्लिन स्वीप' गरेको थियो ।

प्रकाशित : जेष्ठ २, २०७९ २२:३६
प्रतिक्रिया
पठाउनुहोस्

स्थगित मतदान कार्य शान्तिपूर्वक सम्पन्न

रमेशचन्द्र अधिकारी

धनकुटा — धनकुटाको सहीदभूमी गाउँपालिका–६ स्थित ठाकुरदेवी माध्यमिक विद्यालय केन्द्रमा स्थगित भएको मतदान कार्य सोमबार शान्तिपूर्ण रूपमा सम्पन्न भएको छ ।

उक्त विद्यालय र वडा कार्यालय भवनका रहेका तीन वटा केन्द्रमा गत शुक्रबार अनुपस्थित रहेका मतदाताको नाममा मतदान गरेको विषयमा सत्ता गठबन्धन र नेकपा एमाले कार्यकर्ताबीच विवाद उत्पन्न भएको थियो ।

सोमबार बिहान ७ देखि सुरु भइ बेलुकी ५ बजेसम्म मतदान कार्य सकिएको थियो । जसमा ७४.०२ प्रतिशत मतदान गरेको निर्वाचन अधिकृत रुद्र गिरीले जानकारी दिए । उक्त केन्द्रमा कुल २५१३ मतदातामध्ये १८६० जनाले मतदान गरेको गिरीले बताए ।

मतगणना कार्य सर्वदलीय बैठकपछि रातिदेखि सुरु गरिने जनाइएको छ । मतदानस्थलमा म्यादीसहित नेपाल प्रहरी, सशस्त्र प्रहरी तथा नेपाली सेनाले सुरक्षा दिएका थिए । गत शुक्रबार उक्त मतदानस्थलका तीन वटा केन्द्रमा २० प्रतिशत मत खसेपछि मतदान कार्य स्थगित भएको थियो ।

प्रकाशित : जेष्ठ २, २०७९ १८:०३
पूरा पढ्नुहोस्
प्रतिक्रिया
पठाउनुहोस्
×