बाजुराको खप्तड छेडेदह गाउँपालिका अध्यक्षमा एमाले, उपाध्यक्षमा कांग्रेस उम्मेदवार विजयी - स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

बाजुराको खप्तड छेडेदह गाउँपालिका अध्यक्षमा एमाले, उपाध्यक्षमा कांग्रेस उम्मेदवार विजयी 

अर्जुन शाह

बाजुरा — बाजुराको खप्तड छेडेदह गाउँपालिकामा अध्यक्ष पदमा एमालेका उम्मेदवार दिलबहादुर रावत र उपाध्यक्षमा कांग्रेस उम्मेवार विसुदेवी नाथ विजयी भएका छन् । 

एमाले उम्मेदवार रावतले कांग्रेस उम्मेदवार खड्कबहादुर बुढालाई पराजित गरेका हुन् । रावतले ३ हजार ७४७ मत पाएका छन् बुढाले ३ हजार ५५८ मत पाए ।

यस्तै उपाध्यक्ष पदमा कांग्रेस उम्मेदवार विशुदेवी नाथले एमाले उम्मेदवार मनदेवी कुमारी खड्का (ओली) लाई पराजित गरेकी हुन् । नाथले ३ हजार ६४२ मत प्राप्त गरेकी छिन् भने ओलीले ३ हजार ५९४ मत प्राप्त गरिन् । खप्तड छेडेदह गाउँपालिका विगतदेखि नै कांग्रेसको गढ मानिँदै आएको क्षेत्र हो ।

७ वटा वडा रहेको यस गाउँपालिकामा कांग्रेसले ५ वटा वडामा वडाध्यक्ष पदमा जितेको छ भने एमालेले २ वटा वडामा जितेको छ । कांग्रेसले जितेका वडाध्यक्षहरूमा वडा नम्बर १ मा कांग्रेसका वीरबहादुर रावल, २ मा कांग्रेसका भक्तबहादुर बुढा, ३ मा कांग्रेसका विर्कबहादुर रावत, ५ मा कांग्रेसका जितबहादुर रावत, ६ मा कांग्रेसका हर्क बिष्ट रहेका छन् । एमालेबाट वडा नम्बर ४ मा दलबहादुर धामी र ७ मा खगेन्द्रबहादुर रावत विजयी भएका छन् ।

प्रकाशित : जेष्ठ २, २०७९ २१:१५
प्रतिक्रिया
पठाउनुहोस्

उदयपुरको ताप्लीमा माओवादीका विश्वकर्मा निर्वाचित

डिल्लीराम खतिवडा

उदययपुर — उदयपुरको ताप्ली गाउँपालिकामा सत्तागठबन्धनबाट माओवादीका अध्यक्ष उम्मेदवार ढुङ्गराज विश्वकर्मा र उपाध्यक्षमा कांग्रेसकी धनमाया मगर निर्वाचित भएकी छन् ।

मतगणनाको अन्तिम परिणामअनुसार माओवादीका विश्वकर्माले एमालेका उम्मेदवार बाबुराम राईलाई ३८ मतान्तरले जितेका छन् । अध्यक्ष निर्वाचित विश्वकर्माले १ हजार ७ सय ८७ मत ल्याइरहँदा एमालेका राईले १ हजार ७ सय ४९ मत ल्याएको ताप्ली गाउँपालिका निर्वाचन अधिकृतको कार्यालयले जनाएको छ ।

यसैगरी उपप्रमुखमा सत्ता गठबन्धन दलको तर्फबाट उम्मेदवारी दिएकी कांग्रेसकी धनमाया मगरले एमालेकी मनकुमारी थापालाई १ हजार २ सय ८० मतान्तरले उछिनेकी छन् । कांग्रेसकी धना मगरले २ हजार ५ सय ८६ मत ल्याउँदा एमालेकी थापाले १ हजार ३ सय ७० मतमात्रै प्राप्त गरेकी हुन् ।

उपाध्यक्ष मगरले सुरुवाती चरणमै अग्रता कायम गर्दै आएकी थिइन् । उनले निकटतम प्रतिद्वन्द्वी थापालाई सुरुमै दबाबमा राख्दै जित निकालेकी हुन् । उनी ०७४ सालको स्थानीय तह निर्वाचनमा एमालेकी कमलामाया राईसँग पराजित भएकी थिइन् ।

०७४ सालमा ताप्ली गाउँपालिकामा एमालेका उद्धवसिंह थापाले कांग्रेसका डिगबहादुर ज्यू ठकुरीलाई २३ मतले पछि पार्दै विजय भएका थिए ।

प्रकाशित : जेष्ठ २, २०७९ २१:१५
पूरा पढ्नुहोस्
प्रतिक्रिया
पठाउनुहोस्
×