२५.१२°C काठमाडौं
काठमाडौंमा वायुको गुणस्तर: १५४

सिन्धुलीको घ्याङलेखको अध्यक्षमा कांग्रेस, उपाध्यक्षमा माओवादी विजयी

राजकुमार कार्की

सिन्धुली — सिन्धुलीको घ्याङलेख गाउँपालिकामा नेपाली कांग्रेसका जगत भोलन अध्यक्षमा निर्वाचित भएका छन् । गठबन्धनबाट निर्वाचित भोलनले प्रतिस्पर्धीलाई करिब ८ सय मतान्तरले पराजित गरेका छन् ।

सिन्धुलीको घ्याङलेखको अध्यक्षमा कांग्रेस, उपाध्यक्षमा माओवादी विजयी

अध्यक्षमा निर्वाचित भोलनले २१०२ मत प्राप्त गरे भने निकटतम प्रतिद्वन्द्वी एमालेका चतुरमान लोले १३८३ मत मात्रै ल्याए । कांग्रसकै बागी गणेशबहादुर पुलामीले ११९४ मत पाए । भोलन यसअघिका अध्यक्षसमेत हुन् । नेपाली कांग्रेसका सिन्धुली पार्टी उपसभापतिसमेत रहेका भोलन साविक अमले गाविस अध्यक्ष र पञ्चायतकालमा प्रधानपञ्चसमेत भएका थिए ।

उपाध्यक्षमा गठबन्धनबाटै माओवादी केन्द्रका शंकरमान घलान भारी मतका साथ निर्वाचित भएका छन् । दोब्बर मतअन्तरमा एमालेका प्रमिला वाइवालाइ पराजित गरेका घलानले २९८३ मत प्राप्त गरेका छन् । एमालेकी वाइवाले १५२८ मत प्राप्त गरेकी थिइन् । ५ वडा रहेको घ्याङलेखमा वडा नं. १,२,४ र ५ मा माओवादी केन्द्रको प्यानल र वडा नं. ३ मा एमालेल जित हासिल गरेको छ ।

प्रकाशित : जेष्ठ २, २०७९ २०:३३
प्रतिक्रिया
पठाउनुहोस्
जनताको राय

पार्टी स्थापनाकालदेखि निरन्तर अध्यक्ष रहेका जसपा नेपालका उपेन्द्र यादव महाधिवेशनबाट फेरि आफैं नेतृत्वमा आएका छन् । पटक-पटक एउटै व्यक्ति नेतृत्वमा रहिरहनुलाई के भन्नुहुन्छ ?