नेपालगन्ज — बर्दियाको बारबर्दिया नगरपालिकाको प्रमुख र उपप्रमुखमा नेपाली कांग्रेसका उम्मेदवार विजयी भएका छन् । माओबादीको गढ मानिने बारबर्दियाको प्रमुखमा कांग्रेसका छबिलाल थारु १३ हजार ६ मत र उपप्रमुखमा रत्नकुमारी पाण्डेले १२ हजार ४९२ मत ल्याएर विजयी भएका छन् ।
०७४ को निर्वाचनमा प्रमुख, उपप्रमुख र अधिकांश वडामा माओबादीले जितेको थियो । यसपटकको निर्वाचनमा प्रमुख र उपप्रमुखसहित अधिकांश वडामा कांग्रेसले जितेको छ ।