पर्वतको पैयुँ गाउँपालिकामा कांग्रेसका मल्ल विजयी- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

पर्वतको पैयुँ गाउँपालिकामा कांग्रेसका मल्ल विजयी

अगन्धर तिवारी

पर्वत — पर्वतको पैयुँ गाउँपालिकामा नेपाली कांग्रेसका राज मल्ल (तोरण) विजयी भएका छन् । नेकपा एमालेका उम्मेदवार महेन्द्र श्रेष्ठलाई ४४४ मतले पछि पार्दै विजयी भएका हुन् । मल्लले ३८२४ मत ल्याउँदा श्रेष्ठले ३३८० मत ल्याएका छन् । 

योसँगै नेपाल तरुण दलका जिल्ला सभापतिसमेत रहेका मल्ल जिल्लाकै कान्छा पालिका प्रमुख हुने निश्चित छ । २८ वर्षे मल्ल नेपाली कांग्रेसको १४औं महाधिवेशनबाट महाधिवेशन प्रतिनिधिमा निर्वाचित भएका थिए ।

पैयुँकै उपाध्यक्ष पदमा भने एमालेकी यामकुमारी राना विजयी भएकी छन् । कांग्रेसकी जानकी प्रधानलाई ३९७ मतले पछि पार्दै राना विजयी भएकी हुन् । रानाले ३७७७ मत ल्याइन् । सात वडा रहेको पैयुँमा १ र ७ बाहेक सबै वडा एमालेले जितेको छ । कांग्रेसको बलियो पकड मानिएको पैयुँमा यसअघिको निर्वाचनमा अध्यक्ष उपाध्यक्षसहित ५ वडा नेपाली कांग्रेसले जितेको थियो । अघिल्लोपटकको निर्वाचनमा फराकिलो मतका साथ कांग्रेसका उम्मेदवार विजयी भएका त्रिवेणी र सरौंमा समेत यसपटक एमालेका उम्मेदवार विजयी भए ।

प्रकाशित : जेष्ठ २, २०७९ १८:११
प्रतिक्रिया
पठाउनुहोस्

रसुवाको उत्तरगयामा एमालेका माधव अर्याल निर्वाचित

बलराम घिमिरे

रसुवा — रसुवाको उत्तरगया गाउँपालिकाको अध्यक्षमा नेकपा एमालेका माधव अर्याल निर्वाचित भएका छन् । अर्याल ४ सय ३९ को मतान्तरसहित अध्यक्ष पदमा निर्वाचित भएका हुन् ।

निर्वाचन अधिकृत मुना अधिकारीका अनुसार उनले २ हजार ९ सय ९९ मत प्राप्त गरेका छन् भने उनका निकटतम प्रतिद्वन्द्वी नेपाली कांग्रेसका उपेन्द्र लम्साल २ हजार ५ सय ६० मत पाए । २०७४ सालको स्थानीय तह निर्वाचनमा निर्वाचित भएका लम्साल यस पटक भने पराजित भएका छन् ।

अर्याल नेकापा एमालेको केन्द्रीय सदस्य हुन् भने लम्साल नेपाली कांग्रेस वाग्मती प्रदेश समितिको सदस्य हुन् । उपाध्यक्षमा विजयी चमेली गुरुङले ३ हजार १ सय ३४ मत पाएकी छन् । गुरुङ एमालेबाटै उम्मेदवार बनेकी थिइन् । उनी दोस्रो पटक निर्वाचित भएकी हुन् । उनको निकटतम प्रतिद्वन्द्वी कांग्रेसको सुनिता माया गुरुङले २ हजार ४ सय ५२ मत पाइन् ।

उत्तरगया गाउँपालिकामा ५ वटा वडा रहेका छन् । जसमध्ये १, २ र ३, वडा एमालेले जितेको छ । वडा नम्बर ४ कांग्रेस र ५ माओवादी केन्द्रले जितेको छ ।

प्रकाशित : जेष्ठ २, २०७९ १८:०७
पूरा पढ्नुहोस्
प्रतिक्रिया
पठाउनुहोस्
×