स्थगित मतदान कार्य शान्तिपूर्वक सम्पन्न- स्थानीय तह निर्वाचन २०७९ - कान्तिपुर समाचार

स्थगित मतदान कार्य शान्तिपूर्वक सम्पन्न

रमेशचन्द्र अधिकारी

धनकुटा — धनकुटाको सहीदभूमी गाउँपालिका–६ स्थित ठाकुरदेवी माध्यमिक विद्यालय केन्द्रमा स्थगित भएको मतदान कार्य सोमबार शान्तिपूर्ण रूपमा सम्पन्न भएको छ ।

उक्त विद्यालय र वडा कार्यालय भवनका रहेका तीन वटा केन्द्रमा गत शुक्रबार अनुपस्थित रहेका मतदाताको नाममा मतदान गरेको विषयमा सत्ता गठबन्धन र नेकपा एमाले कार्यकर्ताबीच विवाद उत्पन्न भएको थियो ।

सोमबार बिहान ७ देखि सुरु भइ बेलुकी ५ बजेसम्म मतदान कार्य सकिएको थियो । जसमा ७४.०२ प्रतिशत मतदान गरेको निर्वाचन अधिकृत रुद्र गिरीले जानकारी दिए । उक्त केन्द्रमा कुल २५१३ मतदातामध्ये १८६० जनाले मतदान गरेको गिरीले बताए ।

मतगणना कार्य सर्वदलीय बैठकपछि रातिदेखि सुरु गरिने जनाइएको छ । मतदानस्थलमा म्यादीसहित नेपाल प्रहरी, सशस्त्र प्रहरी तथा नेपाली सेनाले सुरक्षा दिएका थिए । गत शुक्रबार उक्त मतदानस्थलका तीन वटा केन्द्रमा २० प्रतिशत मत खसेपछि मतदान कार्य स्थगित भएको थियो ।

प्रकाशित : जेष्ठ २, २०७९ १८:०३
प्रतिक्रिया
पठाउनुहोस्

साँगुरीगढी गाउँपालिका अध्यक्षमा कांग्रेसका राई विजयी

रमेशचन्द्र अधिकारी

धनकुटा — धनकुटाको साँगुरीगढी गाउँपालिकामा गठबन्धनका तर्फबाट नेपाली कांग्रेसका अध्यक्ष पदका उम्मेदवार जितेन्द्र राई विजयी भएका छन् ।

उनले ५ हजार ३ सय ९९ मत प्राप्त गर्दै जीत हात पारेका हुन् । राईले नेकपा एमालेका उम्मेदवार कुमारजंग याखालाई ५ सय ७१ मतान्तरमा पराजित गरेका हुन् । याखाले ४ हजार ८ सय २८ मत प्राप्त गरेको निर्वाचन कार्यालय स्रोतले जनाएको छ ।

यस्तै, उपाध्यक्षमा एमालेकी उम्मेदवार मुना राई विजयी भएकी छन् । उनले ४ हजार ६ सय ५० मत प्राप्त गरिन् । निकटतम् प्रतिस्पर्धी गठबन्धनका तर्फबाट जनता समाजवादी पार्टीका उम्मेदवार लिलाराज लावतीले ४ हजार १ सय ३६ मत प्राप्त गरेका छन् ।

प्रकाशित : जेष्ठ २, २०७९ ०८:३०
पूरा पढ्नुहोस्
प्रतिक्रिया
पठाउनुहोस्
×