गुल्मीको छत्रकोटमा एमालेका पाण्डेय विजयी - स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

गुल्मीको छत्रकोटमा एमालेका पाण्डेय विजयी 

गगनशिला खड्का

गुल्मी — गुल्मीको छत्रकोट गाउँपालिका नेकपा (एमाले)का उम्मेदवार विजयी भएका छन् । कांग्रेस–जनमोर्चा गठबन्धनलाई हराउँदै अध्यक्षमा एमालेका रामप्रसाद पाण्डेय ६ सय ३८ मतान्तर र उपाध्यक्षमा सावित्रा ज्ञवाली १ हजार ३ सय ४८ मतान्तरले विजयी भएकी हुन् । 

पाण्डेले ६ हजार ५ सय ८६ मत ल्याउँदा उनका निकटतम प्रतिद्वन्दी नेपाली कांग्रेसका अनन्तराम पौडेलले ५ हजार ९ सय ४८ मत ल्याए । त्यस्तै उपाध्यक्ष पदमा ज्ञवालीे ६ हजार ४ सय ७२ मतका साथ विजयी हुँदा गठबन्धनका तर्फबाट राष्ट्रिय जनमोर्चाका गुमानसिंह पुन मगरले ५ हजार १ सय २४ मत ल्याएका थिए ।


प्रकाशित : जेष्ठ २, २०७९ १०:५९
प्रतिक्रिया
पठाउनुहोस्

गुल्मीको चन्द्रकोटमा गठबन्धनबाट माओवादीका केसी विजयी

गगनशिला खड्का

गुल्मी — गुल्मीको चन्द्रकोट गाउँपालिकाको अध्यक्षमा सत्तारुढ गठबन्धनका उम्मेदवारले जितेका छन् । गठबन्धनका तर्फबाट अध्यक्षमा माओवादी केन्द्रका उम्मेदवार युवराज केसी र उपाध्यक्षमा कांग्रेसका विष्णुप्रसाद भण्डारी विजयी भएका हुन् ।

अध्यक्षमा विजयी केसीले निकटतम प्रतिद्वन्द्वी नेकपा एमालेका चेतन बस्नेतलाई २ हजार ४ सय ५३ मत अन्तरले विजयी भएका हुन् । केसीले ५ हजार ७ सय मत ल्याउँदा एमालेका बस्नेतले ३ हजार २ सय ४७ मत ल्याए ।

यस्तै उपाध्यक्षमा भण्डारी निकटतम प्रतिद्वन्द्वी एमालेका राधिका अर्यालसँग १ हजार २ सय मत अन्तरले विजयी भए । भण्डारीले ५ हजार १६ मत ल्याउँदा ३ हजार ८ सय १६ मत प्राप्त गरिन् ।

प्रकाशित : जेष्ठ १, २०७९ २२:०६
पूरा पढ्नुहोस्
प्रतिक्रिया
पठाउनुहोस्
×