गोरखा — बारपाक सुलिकोट गाउँपालिकाको अध्यक्षमा नेकपा माओवादी केन्द्रका विष्णु भट्ट र उपाध्यक्षमा नेकपा माओवादी केन्द्रकी सनमाया गुरुङ विजयी बनेकी छिन् । 

भट्ट र गुरुङ दोस्रो कार्यकालका लागि अध्यक्ष र उपाध्यक्षमा निर्वाचित बनेका हुन् । भट्टले पाँच हजार सात सय १९ मत ल्याए भने उनका निकटतम प्रतिद्धन्द्धी कांग्रेसबाट अध्यक्षका उमेदवार जित बहादुर घलेले चार हजार आठ सय ६४ मत ल्याएका छन् ।

त्यस्तै उपाध्यक्षमा गुरुङले पाँच हजार ७ सय ६५ मत प्राप्त गरिन् । उनका निकटतम प्रतिद्धन्द्धी नेपाली कांग्रेसकी लेख माया राना चार हजार पाँच सय ७५ मत ल्याएर पराजित बनिन् ।