साँगुरीगढी गाउँपालिका अध्यक्षमा कांग्रेसका राई विजयी- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

साँगुरीगढी गाउँपालिका अध्यक्षमा कांग्रेसका राई विजयी

रमेशचन्द्र अधिकारी

धनकुटा — धनकुटाको साँगुरीगढी गाउँपालिकामा गठबन्धनका तर्फबाट नेपाली कांग्रेसका अध्यक्ष पदका उम्मेदवार जितेन्द्र राई विजयी भएका छन् ।

उनले ५ हजार ३ सय ९९ मत प्राप्त गर्दै जीत हात पारेका हुन् । राईले नेकपा एमालेका उम्मेदवार कुमारजंग याखालाई ५ सय ७१ मतान्तरमा पराजित गरेका हुन् । याखाले ४ हजार ८ सय २८ मत प्राप्त गरेको निर्वाचन कार्यालय स्रोतले जनाएको छ ।

यस्तै, उपाध्यक्षमा एमालेकी उम्मेदवार मुना राई विजयी भएकी छन् । उनले ४ हजार ६ सय ५० मत प्राप्त गरिन् । निकटतम् प्रतिस्पर्धी गठबन्धनका तर्फबाट जनता समाजवादी पार्टीका उम्मेदवार लिलाराज लावतीले ४ हजार १ सय ३६ मत प्राप्त गरेका छन् ।

प्रकाशित : जेष्ठ २, २०७९ ०८:३०
प्रतिक्रिया
पठाउनुहोस्

चौबिसे गाउँपालिका अध्यक्षमा एमालेका चेम्जोङ विजयी

रमेशचन्द्र अधिकारी

धनकुटा — धनकुटाको चौबिसे गाउँपालिकामा नेकपा एमालेबाट अध्यक्ष पदका उम्मेद्वार राजकुमार चेम्जोङ विजयी भएका छन् ।

उनले ५ हजार ३८ मत प्राप्त गरी जीत हात पारेका हुन् । चेम्जोङले गठबन्धनका तर्फबाट माओवादी केन्द्रका उम्मेदवार दलबहादुर मगरलाई १ हजार ४७ मतान्तरमा पराजित गरेका हुन् । मगरले ३ हजार ९ सय ९१ मत प्राप्त गरेको निर्वाचन कार्यालयले जनाएको छ ।

यस्तै, उपाध्यक्षमा पनि एमाले कै टंकमाया पाङ्मी मगर विजयी भएकी छन् । उनले ४ हजार ९ सय ८३ मत प्राप्त गरिन् । निकटतम् प्रतिस्पर्धी गठबन्धनका तर्फबाट जनता समाजवादी पार्टीका उम्मेदवार मंगलकुमार लिम्बूले ३ हजार ९ सय ८८ मत प्राप्त गरेका छन् ।

प्रकाशित : जेष्ठ २, २०७९ ०८:११
पूरा पढ्नुहोस्
प्रतिक्रिया
पठाउनुहोस्
×