सोताङ गाउँपालिकाको अध्यक्षमा कांग्रेसका खिलराज बस्नेत निर्वाचित- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

सोताङ गाउँपालिकाको अध्यक्षमा कांग्रेसका खिलराज बस्नेत निर्वाचित

भानुभक्त निरौला

सोलुखुम्बु — सोलुखुम्बुको सोताङ गाउँपालिकाको अध्यक्षमा नेपाली कांग्रेसका उम्मेदवार खिलराज बस्नेत निर्वाचित भएका छन् । यसअघि एमालेले जितेको उक्त पालिकामा एमालेका उम्मेदवारलाई १ सय २८ मतले पछि पार्दै कांग्रेस महासमिति सदस्य बस्नेत पालिका अध्यक्षमा निर्वाचित भएका हुन् ।

उनले १ हजार ६ सय ४८ मत ल्याउँदा निकटतम प्रतिस्पर्धी एमालेका उम्मेदवार प्रकाश कार्कीले १ हजार ५ सय २० मत प्राप्त गरेका छन् । नेकपा माओवादी केन्द्रका उम्मेदवार दिपक खड्काले १ हजार ३ सय ५३ मत ल्याए ।

त्यस्तै, उपाध्यक्षमा पनि नेपाली कांग्रेसकै उम्मेदवार अन्जु नाछिरिङ विजयी भएकी छन् । उनले १ हजार ६ सय ६९ मत ल्याउँदा एमाले उम्मेदवार मनसरी राईले १ हजार ६ सय ३४ मत पाएकी छन् ।

५ वटा वडा रहेको सोताङ गाउँपालिकाका ३ वडामा कांग्रेस र २ वडामा एमालेले जित हासिल गरेको छ । वडा नम्बर १ मा कांग्रेसका जंगबहादुर गुरुङ, वडा नम्बर २ मा नेकपा एमालेका श्याम राई, वडा नम्बर ३ मा नेपाली कांग्रेसका गोकर्ण बस्नेत, वडा नम्बर ४ मा कांग्रेसकै दिप राई र वडा नम्बर ५ मा नेकपा एमालेका मानवीर राई वडा अध्यक्षमा निर्वाचित भएका छन् ।

प्रकाशित : जेष्ठ २, २०७९ ०७:१३
प्रतिक्रिया
पठाउनुहोस्

सोलुखुम्बुको थुलुङ दूधकोशीमा माओवादी केन्द्रका राई निर्वाचित

भानुभक्त निरौला

सोलुखुम्बु — थुलुङ दुधकोशी गाउँपालिकाको अध्यक्षमा नेकपा माओवादी केन्द्रका असिम राई र उपाध्यक्षमा सविता राई निर्वाचित भएका छन् । यहाँ ९ हजार ७ सय ८८ मत खसेको थियो । राईले गाउँपालिका अध्यक्षमा करिब ५ सय  मतान्तरसहित जितेका हुन् । उनले ४ हजार ४९ मत प्राप्त गर्दा नेपाली कांग्रेसका वीर बहादुर गुरुङले ३ हजार ५ सय ११ मत पाए । एमालेका आङबाबु राई १ हजार ६ सय १ मतमा समेटिए ।

त्यस्तै, उपाध्यक्ष पदमा सविताले करिब ३ सय मतान्तरले निर्वाचित भइन् । उनले ३ हजार ८ सय मत प्राप्त गर्दा कांग्रेसकी एका कुमारी कार्कीले ३ हजार ५ सय २३ मत ल्याइन् ।

एमालेकी कल्पना गिरी १ हजार ७ सय ४६ मत पाइन् । उनीहरु दुवै दोस्रो पटक थुलुङ दुधकोशीको नेतृत्वमा दोहोरिएका छन् । विजयी बनेपछि अध्यक्ष राईले काम र जनसेवामा प्रतिबद्धता जनाएका छन् ।

पालिकामा माओवादी केन्द्रको नेतृत्व आउँदै गर्दा ५ वडामा समेत जित निकालेको छ । वडा नं २, ५, ७, ८ र ९ मा माओवादी केन्द्रका वडाअध्यक्ष निर्वाचित भएका छन् ।

प्रकाशित : जेष्ठ १, २०७९ २०:५९
पूरा पढ्नुहोस्
प्रतिक्रिया
पठाउनुहोस्
x
×