ढकारी गाउँपालिकाको अध्यक्षमा कांग्रेस विजयी- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

ढकारी गाउँपालिकाको अध्यक्षमा कांग्रेस विजयी

मेनुका ढुंगाना

अछाम — ढकारी गाउँपालिकामा नेपाली कांग्रेस विजयी भएको छ । कांग्रेसका अध्यक्ष पदका उम्मेदवार प्रकाश साउँद ३ हजार १ सय ८१ मतसहित विजयी भएका हुन् । उनका निकटतम् प्रतिद्वन्द्वी नेकपा एमालेका धर्मबहादुर साउँदले २५ सय ५५ मत प्राप्त गरे ।

उपाध्यक्षमा पनि नेपाली कांग्रेसका नेत्रकला शाही विजयी भइन् ।

उनले ३१ सय मत प्राप्त गरि विजयी हुँदा उनकी निकटतम प्रतिद्वन्द्वी नेकपा एमालेकी मायादेवि बुढाले २ हजार ५ सय ७३ मत प्राप्त गरिन । स्थानीय तह २०७४ को निर्वाचनमा पनि ढकारीमा कांग्रेस विजयी भएको थियो ।

प्रकाशित : जेष्ठ २, २०७९ ०७:०९
प्रतिक्रिया
पठाउनुहोस्

त्रिवेणी गाउँपालिकाको अध्यक्ष र उपाध्यक्षमा कांग्रेस विजयी

विप्लव महर्जन

सल्यान — त्रिवेणी गाउँपालिकाको अध्यक्षमा कांग्रेसका खिमबहादुर रावत विजयी भएका छन् । नेकपा समाजवादीका प्रतिद्वन्द्वी उमेदवार डिल्ली केसीलाई १ हजार ३ सय ५२ र एमालेका उमेदवार लोकन्द्र सिं खड्कालाई १ हजार ५ सय ७३ मतले पछि पार्दै कांग्रेसका रावत निर्वाचित भएका हुन् । 

रावतले ३ हजार ३ सय ६९ मत ल्याएका थिए भने केसिले २ हजार १७ र खडकाले १ हजार ७ सय ९६ मत ल्याएका थिए । मतगनणाका क्रममा कांग्रेस, नेकपा समाजवादी र एमालेबीच प्रतिस्पर्धा भएको थियो ।

यस्तै, उपाध्यक्षमा पनि कांग्रेस उम्मेदवार नै निर्वाचित भएका छन् । उपाध्यक्षमा विजयी भएकी कांग्रेसकी उमेदवार सीता खड्काले ३ हजार १ सय ८६ मत ल्याएकी छन् । उनका प्रतिद्वन्द्वी माओवादी केन्द्रका राजेन्द्रकुमार थापाले २ हजार ३५ र एमालेकी कलावती ओलीले १ हजार ८ सय १९ मत ल्याएका थिए ।

विजयी भएका अध्यक्ष तथा उपाध्यक्षलाई प्रमाणपत्र दिन तयारी भइरहेको त्रिवेणी गाउँपालिकाका निर्वाचन अधिकृत बाबुराम नेपालीले बताए । उनले त्रिवेणी गाउँपालिकाको ६ वडामध्ये एउटामा मात्रै एमालेका उम्मेदवार निर्वाचित भएका छन् । वडा नम्बर ३ मा एमालेका अध्यक्ष उम्मेदवार निर्वाचित हुँदा बाँकी पाँच वडामा कांग्रेसले जितेको छ । त्रिवेणीमा ११ हजार ७ सय १६ मतदाता रहेका थिए । स्थानीय तह निर्वाचनमा ८ हजार ५ मत खसेको थियो ।

०७४ को स्थानीय तह निर्वाचनमा पनि त्रिवेणीमा कांग्रेसले अध्यक्ष , उपाध्यक्ष दुवै सिट जितेको थियो । जिल्लाका १० स्थानीय तहमा योभन्दा पहिला कांग्रेसले एमलेसँग गठबन्धन गरेर माओवादीको गढ भनेर चिनिने कुमाख गाउँपालिकामा पनि जित हासिल गरेको छ भने १० पालिकाको ८३ वडा मध्ये सबै भन्दा बढी कांग्रेसले जितेको छ ।

प्रकाशित : जेष्ठ २, २०७९ ०७:०२
पूरा पढ्नुहोस्
प्रतिक्रिया
पठाउनुहोस्
×