पूर्वी नवलपरासीको बुलिङटारमा एमालेका सुनारी निर्वाचित
पूर्वी नवलपरासी — जिल्लाको पहाडी बुलिङटार गाउँपालिका अध्यक्षमा नेकपा एमालेका उम्मेदवार दिपेन्द्र सुनारी मगर निर्वाचित भएका छन् । उनी ४ हजार ५९ मत ल्याएर विजयी भएका हुन् । उनका प्रतिद्वन्द्वी नेपाली कांग्रेसका शशिकिरण वस्ताकोटीले ३ हजार ९ सय मत ल्याएका छन् । वास्ताकोटीले यसअघिको निर्वाचनमा एमालेकै उम्मेदवार विद्रोही गिरीलाई २२ सय मतान्तरले पराजित गरेका थिए । अघिल्लो निर्वाचनमा ३२ सै सिटमा कांग्रेस विजयी भएको थियो ।
नवनिर्वाचित गाउँपालिकाका अध्यक्ष सुनारी मगर पेसाले इन्जिनियर हुन् ।
बुलिङटारको उपाध्यक्षमा भने कांग्रेसकी दिलमाया रानाले ४ हजार ५ सय १५ मतसहित विजयी भएकी छन् । उनकी प्रतिस्पर्धी एमालेकी भूमिका खण्डलुकले ३ हजार ५ सय १५ मत ल्याएकी छन् । बुलिङटार पूर्वी नवलपरासीमा कांग्रेसको सबैभन्दा बलियो गाउँपालिका मानिन्थ्यो ।
प्रकाशित : जेष्ठ १, २०७९ २३:०९