बझाङको थलारा गाउँपालिका अध्यक्षमा एमालेका रोकाया विजयी- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

बझाङको थलारा गाउँपालिका अध्यक्षमा एमालेका रोकाया विजयी

वसन्तप्रताप सिंह

बझाङ — बझाङको थलारा गाउँपालिकाको अध्यक्षमा नेकपा एमालेका प्रकाश रोकाया विजयी भएका छन् । उनी २ हजार ७७४ मतका साथ गाउँपालिका अध्यक्षमा विजयी भएका हुन् ।

रोकायाका निटकतम प्रतिस्पर्धी स्वतन्त्र उम्मेदवार कुलराज जोशीले २ हजार १ सय १३ र गठबन्धनका उम्मेदवार विनोद थापाले १२ सय ३ मत प्राप्त गरे ।

उपप्रमुखमा गठबन्धनबाट नेपाली कांग्रेसका राम खाती ३१ सय ५० मत ल्याएर विजयी भएका छन् । उनकी प्रतिस्पर्धी एमालेकी मीरा रावलले २५ सय ८७ मत ल्याइन् ।

यस्तै, वडा नम्बर १मा माओवादीका रवीन्द्र जोशी, २मा एमालेका रवीन्द्र खाती, ३ मा माओवादीका प्रकाश भण्डारी, ४ मा कांग्रेसका रामचन्द्र जोशी, ५ मा कांग्रेसका नरबहादुर खाती, ६ मा नेकपा एसका अनिलकुमार विष्ट विजयी भए ।

यस्तै, वडा नम्बर ७मा एमालेका किस्‍ने सार्की र ८ मा एमालेका कविराज जोशी निर्वाचित भए ।

प्रकाशित : जेष्ठ १, २०७९ ११:४४
प्रतिक्रिया
पठाउनुहोस्

भरतपुर-१ मा कांग्रेसका महर्जन निर्वाचित, मेयर उम्मेदवारलाई वडाध्यक्षकोभन्दा कम मत

रमेशकुमार पौडेल

चितवन — भरतपुर महानगरपालिका– १ को वडाध्यक्षमा नेपाली कांग्रेसका केशव महर्जन निर्वाचित भएका छन् । महिला सदस्यमा नेपाली काँग्रेसकै राममाया पिया विजयी भएपनि अन्य तीन जना सदस्यमा भने एमालेका उम्मेद्वारहरु विजयी भएको मुख्य निर्वचन अधिकृतको कार्यालयले जनाएको छ ।

वडा नम्बर १ को गणना सकिँदा मेयर पदमा गठबन्धनबाट उम्मेद्वार रहेकी रेनु दाहालको अग्रता कायमै छ । तर, रेनु र मेयर पदका अर्का उम्मेद्वार नेकपा एमालेका विजय सुवेदीलाई आफ्नो वडामा बडाध्यक्षले ल्याएकोभन्दा कम मत आएको छ ।

मेयर पदमा स्वतन्त्र उम्मेद्वारी दिएका जगन्नाथ पौडेलले वडा नम्बर १ मा खसेकोमध्ये १३ प्रतिशतभन्दा बढी मत ल्याएका छन् । यहाँ तीन हजार २७७ मत खसेको थियो । वडाध्यक्षमा विजयी महर्जनले एक हजार ३९७ मत ल्याउँदा निकटतम प्रतिद्वन्दी नेकपा एमालेका शुक्रकुमार श्रेष्ठले एक हजार ३१३ मत ल्याए ।

काँग्रेससहित सत्तारुढ गठबन्धनकी साझा उम्मेद्वार रहेकी रेनु दाहालले महर्जनको मतभन्दा १८९ मत कम ल्याइन् । यो वडामा रेनु दाहाललाई एक हजार २०८ मत आएको छ । एमालेका मेयर उम्मेद्वार विजय सुवेदीले एक हजार ८७ मत ल्याएका छन् ।

सुवेदीले पनि एमालेका वडाध्यक्षले पाएको भन्दा २२६ कम मत पाएका छन् । वडा नम्बर एकको मत गणना सकिँदा मेयरमा रेनु दाहालले सुवेदीले भन्दा १२१ मत धेरै ल्याएकी छन् ।

यो वडामा मेयर पदका स्वतन्त्र उम्मेद्वार जगन्नाथ पौडेलले ४३० मत ल्याएका छन् । अघिल्लो स्थानीय तह निर्वाचनमा यो वडामा एमालेले एक मात्र वडा सदस्य जितेको थियो तर मेयर पदमा अग्रता कायम गरेको थियो ।

वडा नम्बर एकको मत गणना सकिदा उपमेयर पदमा सत्तारुढ गठबन्धनबाट उपमेयर पदका उम्मेद्वार नेकाका चित्रसेन अधिकारीले एक हजार ३६२ र राप्रपाकी हिमला गुरुङले ८७७ मत ल्याएकी छन् ।

हिमलालाई एमालेको समर्थन रहेको छ । २९ वटा वडाहरु रहेको भरतपुरमा अहिले दुई नम्बर वडाको मत गणना सुरु भएको छ ।

प्रकाशित : जेष्ठ १, २०७९ ११:३८
पूरा पढ्नुहोस्
प्रतिक्रिया
पठाउनुहोस्
×