राकाथुममा स्थगित मतदान सोमबार हुने- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

राकाथुममा स्थगित मतदान सोमबार हुने

टीकाप्रसाद भट्ट

रामेछाप — रामेछापको खाँडादेवि गाउँपालिका वडा नम्बर १ राकाथुममा स्थगित भएको मतदान प्रक्रिया सोमबार पुन: सुरु हुने भएको छ । मूख्य निर्वाचन अधिकृतको कार्यालयका अनुसार निर्वाचन आयोगले तोके बमोजिम उक्त वडामा सोमबार फेरि मतदान हुन लागेको हो ।

वैशाख ३० गते मतदानको क्रममा नेपाली कांग्रेस र माओवादी केन्द्रका कार्यकर्ताबीच झडप हुँदा उक्त मतदान केन्द्रको मतदान स्थगित भएको थियो । तनाबग्रस्त अवस्थालाई नियन्त्रणमा लिन प्रहरीले उक्त केन्द्रमा ७ राउण्ड हवाई फायरसमेत गरेको थियो ।

जिल्ला निर्वाचन कार्यालयले राकाथुममा पुन: मतदान गराउनका लागि सम्पूर्ण तयारी पूरा भएको जनाएको छ ।

प्रकाशित : जेष्ठ १, २०७९ १०:१८
प्रतिक्रिया
पठाउनुहोस्

रामेछापको दोरम्बा शैलुङमा मतगणनास्थल तनाव, ४ राउन्ड हवाई फायर 

टीकाप्रसाद भट्ट

रामेछाप — रामेछापको दोरम्बा शैलुङ गाउँपालिकामा मतगणनाको क्रममा तनावको स्थिति सिर्जना भएको छ । मतगणनास्थानमा बिजुली गएपछि गणना केन्द्र बाहिर रहेका सर्वसाधारणले ढुंगा प्रहार गरेका थिए । ढुंगा हान्दै भिड ढोकाबाट अघि बढ्न खोजेपछि प्रहरीले ४ राउन्ड हवाई फायर गरेर स्थितिलाई नियन्त्रणमा लिएको छ । 

प्रमुख जिल्ला अधिकारी दीपककुमार पहाडीका अनुसार मतगणनास्थानका लागिमात्र बत्ति पुग्ने एमसीभी भए पनि बाहिर बस्ने सर्वसाधारण लाइन दिँदा खपत बढ्न गई एमसीभी झरेको थियो । बत्ति निम्नेबित्तिकै इन्भर्टरको बिजुली सप्लाई गरे पनि बाहिरबाट हो-हल्ला नरोकिएकोले स्थिति असहज बनेको थियो ।

बाहिर रहेका सर्वसाधारणले ढुंगा प्रहार गर्दा प्रहरी निरीक्षकसहित केही प्रहरीलाई लागेको पहाडीले बताए । ‘अहिले अवस्था सामान्य भइसकेको र मतगणना जारी रहेको छ ,’ पहाडीले भने ।


प्रकाशित : वैशाख ३१, २०७९ २२:११
पूरा पढ्नुहोस्
प्रतिक्रिया
पठाउनुहोस्
×