राकाथुममा स्थगित मतदान सोमबार हुने- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

राकाथुममा स्थगित मतदान सोमबार हुने

टीकाप्रसाद भट्ट

रामेछाप — रामेछापको खाँडादेवि गाउँपालिका वडा नम्बर १ राकाथुममा स्थगित भएको मतदान प्रक्रिया सोमबार पुन: सुरु हुने भएको छ । मूख्य निर्वाचन अधिकृतको कार्यालयका अनुसार निर्वाचन आयोगले तोके बमोजिम उक्त वडामा सोमबार फेरि मतदान हुन लागेको हो ।

वैशाख ३० गते मतदानको क्रममा नेपाली कांग्रेस र माओवादी केन्द्रका कार्यकर्ताबीच झडप हुँदा उक्त मतदान केन्द्रको मतदान स्थगित भएको थियो । तनाबग्रस्त अवस्थालाई नियन्त्रणमा लिन प्रहरीले उक्त केन्द्रमा ७ राउण्ड हवाई फायरसमेत गरेको थियो ।

जिल्ला निर्वाचन कार्यालयले राकाथुममा पुन: मतदान गराउनका लागि सम्पूर्ण तयारी पूरा भएको जनाएको छ ।

प्रकाशित : जेष्ठ १, २०७९ १०:१८
प्रतिक्रिया
पठाउनुहोस्

बडीकेदार गाउँपालिकाको अध्यक्ष र उपाध्यक्षमा कांग्रेस विजयी

मोहन शाही

डोटी — डोटीको बडीकेदार गाउँपालिकाको अध्यक्ष र उपाध्यक्षमा नेपाली कांग्रेसका भैरवबहादुुर साउँद र कुमारी विष्ट विजयी भएका छन् ।डोटीमा यस निर्वाचनको क्रममा कांग्रेसले पहिलो पटक पालिका जितेको हो ।

अध्यक्षमा साउँदले २ हजार ३ सय ४३ प्राप्त गरेका थिए भने उनका निकटतम प्रतिस्पर्धी एमालेका चक्र घर्तीमगरले १ हजार ६ सय ८४ मत ल्याएका थिए ।

यस्तै उपाध्यक्षमा कांग्रेसकी विष्टले २ हजार ४ सय ७ मत ल्याएकी थिइन् भने उनका निकतम प्रतिस्पर्धी नेकपा एमालेकी सपना सिराडीले २ हजार २ सय ७६ मत प्राप्त गरेकी थिइन् । उक्त पालिकामा कांग्रेसले २ वडा जितेको छ भने दुई वटामा एमाले र एउटामा माओवादी केन्द्रका अध्यक्ष निर्वाचित भएका छन् ।

०७४ को स्थानीय तहको निर्वाचनमा पनि बडीकेदार गाउँपालिकामा कांग्रेसले नै जितेको थियो ।

प्रकाशित : जेष्ठ १, २०७९ १०:११
पूरा पढ्नुहोस्
प्रतिक्रिया
पठाउनुहोस्
×