दैलेखको नौमुले गाउँपालिकामा माओवादीका सुवेदी विजयी- स्थानीय तह निर्वाचन २०७९ - कान्तिपुर समाचार
कान्तिपुर वेबसाईट
AdvertisementAdvertisement

दैलेखको नौमुले गाउँपालिकामा माओवादीका सुवेदी विजयी

कान्तिपुर संवाददाता

काठमाडौँ — दैलेखको नौमुले गाउँपालिकाको अध्यक्षमा नेकपा माओवादी केन्द्रका छविराम सुवेदी विजयी भएका छन् । उनले ३२ सय मत ल्याएर अध्यक्षमा विजयी भएका हुन् ।

उनका निकटतम् प्रतिद्वन्द्वी नेपाली कांग्रेसका भदे बुढा मगरले २५ सय ४४ मत प्राप्त गरे । एमालेका शशिराम विश्वकर्माले १९ सय २० मत ल्याए ।

यसैगरी उपप्रमुखमा एकीकृत समाजवादीका गंगबहादुर शाही विजयी भएका छन् । उनले २८ सय ३४ मत प्राप्त गरे । नेपाली कांग्रेसकी अमृता सिंहले २४ सय ५ र एमालेकी गीता चन्दले १९ सय १८ मत प्राप्त गरिन् ।

प्रकाशित : जेष्ठ १, २०७९ ०६:०४
प्रतिक्रिया
पठाउनुहोस्

राप्रपाको गढमा कांग्रेसका वडाध्यक्षसहित प्यानलै विजयी

पर्वत पोर्तेल

झापा — राष्ट्रिय प्रजातन्त्र पार्टीका अध्यक्ष  राजेन्द्र लिङ्देनको निर्वाचन क्षेत्र कचनकवल १ मा नेपाली कांग्रेसका वडाध्यक्षसहित प्यानल नै विजयी बनेको छ । यो गाउँपालिका राप्रपाको गढ मानिन्छ । 

महावीर लिम्बू वडाध्यक्षमा निर्वाचित भए । उनले १ हजार ४ सय ४२ मत प्राप्त गरे । निकटतम प्रतिस्पर्धी राष्ट्रिय प्रजातन्त्र पार्टीका उम्मेदवार लक्ष्मी नारायण यादवले १ हजार १ सय १० मत प्राप्त गरे । वडा सदस्यमा अन्तप्रसाद राजवंशी र उग्रनारायणा सिंह राजवंशी निर्वाचित भए । महिला सदस्यमा सञ्जावती राजवंशी र दलित महिला सदस्यमा सुनिता दर्जी निर्वाचित भए ।

यो गाउँपालिकामा नेपाली कांग्रेस र नेकपा एमालेको तालमेल थियो ।


प्रकाशित : जेष्ठ १, २०७९ ०५:३८
पूरा पढ्नुहोस्
प्रतिक्रिया
पठाउनुहोस्
×