तेह्रथुमको मेन्छ्यायेम गाउँपालिका २ र ३ मा कांग्रेसको प्यानल नै विजयी
तेह्रथुम — तेह्रथुमको मेन्छ्यायेम गाउँपालिका २ र ३ को वडाध्यक्षमा नेपाली कांग्रेसका उम्मेदवारको प्यानल नै विजयी भएको छ ।
२ नम्बर वडामा रामबहादुर लिम्बू ३ सय ३२ मत ल्याएर विजयी भएका छन् । उनका प्रतिस्पर्धी नेकपा एमालेका अम्बिका लिम्बूले २ सय २१ मत प्राप्त गरेका छन् ।
त्यस्तै, ३ नम्बर वडामा नेपाली कांग्रेसका विनयकुमार लिम्बू ३ सय ३६ मत ल्याएर विजयी भएका छन् । उनका प्रतिस्पर्धी एमालेका मनबहादुर लिम्बुले २ सय १७ मत प्राप्त गरेका छन् । बाँकी सदस्य पदमा पनि नेपाली कांग्रेसका उम्मेदवार विजयी भएका छन् ।
प्रकाशित : वैशाख ३१, २०७९ २०:१७प्रतिक्रिया
