भद्रपुर १ मा एमालेको प्यानल नै विजयी- स्थानीय तह निर्वाचन २०७९ - कान्तिपुर समाचार

भद्रपुर १ मा एमालेको प्यानल नै विजयी

पर्वत पोर्तेल

काँकडभिट्टा — झापाको भद्रपुर-१ मा वडा अध्यक्षसहित चारै जना सदस्यमा एमाले उम्मेदवार विजयी बनेका छन् ।

वडाध्यक्षमा रामप्रसाद अधिकारी विजयी बने । उनले ९ सय ३७ मत ल्याएका हुन्। निकटतम प्रतिस्पर्धी कांग्रेस–माओवादी गठबन्धनका उम्मेदवार मेदनीप्रसाद शिवाकोटीले ५ सय ७७ मत पाए । उनी माओवादीका उम्मेदवार थिए ।

राप्रपाका दलबहादुर लिम्वू ६ सय ५८ मत ल्याए ।

वडासदस्यमा टिकाप्रसाद भण्डारी र दिलबहादुर लिम्बू, महिला सदस्यमा सीताकुमारी गुरुङ र दलित महिला सदस्यमा अम्बिका विश्वकर्मा विजयी भएको निर्वाचन कार्यालय झापाले जनाएको छ ।

प्रकाशित : वैशाख ३१, २०७९ १९:५४
प्रतिक्रिया
पठाउनुहोस्

बुटवलको मेयरमा कांग्रेस र उपमेयरमा एमालेको अग्रता

अमृता अनमोल

बुटवल — रुपन्देहीको बुटवल उपमहानगरपालिकाको मेयरमा नेपाली कांग्रेसले अग्रता लिएको छ । उपप्रमुखमा भने एमाले अघि लागेको छ । २ हजार मत गन्दा प्रमुखमा कांग्रेसका खेलराज पाण्डेले ९ सय ८७ मत ल्याएका छन् ।

दोस्रोमा एमालेका बाबुराम भट्टराईले ४ सय ६० मत ल्याएर पछ्याएका छन् । राप्रपाका मृगेन्द्रकुमार शेरचनले ४ सय २६ मत ल्याएर तेस्रोमा छन् । निर्वाचन अधिकृत लेखनाथ पौडेलका अनुसार उपप्रमुखमा एमालेकी सावित्रीदेवी अर्यालले ६ सय ४६ मतका साथ अग्रता लिएकी छन् ।

राप्रपाकी भगवती पाण्डेले ४ सय ८३ र नेकपा एकीकृत समाजवादीका चिनबहादुर गुरुङले ४ सय ३८ मत ल्याएका छन् । अहिलेसम्म बुटवलको वडा नम्बर १ को ६ सय मत गणना सकिएको छ भने १९ र २ को गणना भइरहेको छ । बुटवलमा कुल ९० हजार ६५ मतदाता रहेकोमा ६२ हजार १ सय १ मत खसेको छ ।

प्रकाशित : वैशाख ३१, २०७९ १९:४६
पूरा पढ्नुहोस्
प्रतिक्रिया
पठाउनुहोस्
×